દ્વારકાના શિવગંગા ચેરી.ટ્રસ્ટ દ્વારા નિઃશુલ્ક દંતયજ્ઞઃ ૧૫૧ લાભાર્થીઓ

Author: નોબત સમાચાર

દ્વારકાના શિવગંગા ચેરી.ટ્રસ્ટ દ્વારા નિઃશુલ્ક દંતયજ્ઞઃ ૧૫૧ લાભાર્થીઓ

દ્વારકા તા. ૧૬ઃ દ્વારકાના શિવગંગા ચેરી. ટ્રસ્ટ દ્વારા તાજેતરમાં વિશ્વકર્મા ધર્મશાળામાં નિઃશુલ્ક દંતયજ્ઞનું આયોજન કરવામાં આવ્યું હતુ. જેમાં કુલ ૧૫૧ દર્દીઓએ લાભ લીધો હતો, જે પૈકી ૨૬ દર્દીઓના જલંધર બંધ પદ્ધતિ દ્વારા દાંત પાડેલ તેમજ ૨૧ દર્દીઓને નિઃશુલ્ક દાંતના ચોકઠા બનાવી આપવામાં આવ્યા હતા અને તમામ દર્દીઓને જરૃરી દવાઓ આપવામાં આવી હતી. આ કેમ્પમાં રાજકોટના ડિવાઈન ચેરી.ટ્રસ્ટની તબીબોની ટીમ જયસુખભાઈ મકવાણા અને તેના સહાયકો દ્વારા દર્દીઓની તપાસણી વિગેરેની સેવા આપવામાં આવી હતી.

આ કેમ્પમાં દીપ પ્રાગટય સ્વામિનારાયણના પૂજય ગોવિંદ પ્રસાદ સ્વામી, પૂજય કેપી સ્વામી ઈશ્વરભાઈ ઝાંખરિયા, અશ્વિનભાઈ ગોકાણી, કે.જી. હિંડોચાભાઈ, નિમેશભાઈ તથા ઉમેશભાઈ ભાયાણી, ધરમશિભાઈ સામાણી, લોહાણા મહાજનના ટ્રસ્ટી જીતેશભાઈ દાવડા, નરેન્દ્રભાઈ રાઈમંગિયા, રાજુભાઈ હિંડોચા, દિપકભાઈ રાઈમંગીયા, નંદલાલભાઈ માવાણી, હરિભાઈ ચુડાસમા, તેમજ તેમની ટીમ, લુહાર જ્ઞાતિના ટ્રસ્ટી અશોકભાઈ મકવાણા વગેરે અગ્રણીઓ મહાનુભાવોની હાજરીમાં કરવામાં આવ્યું હતું. આ કાર્યક્રમને સફળ બનાવવા સુરેશભાઈ દાત્તાણી, પ્રતાપભાઈ દામાણી, સરદારજી, લખુભાઈ સોમૈયા, પ્રવિણભાઈ મકવાણા, મનીષાબેન ફાલડિયા, કિરણબેન વાયડા, તેમજ લુહાર જ્ઞાતિ વાળીના સ્ટાફ દ્વારા જહેમત ઉઠાવાઈ હતી.

જો આપને આ પોસ્ટ ગમી હોય તો શેર કરો...