વાહન ખરીદવા લીધેલી લોનનો ચેક પરત ફરવાના કેસમાં છ મહિનાની કેદ

Author: નોબત સમાચાર

વાહન ખરીદવા લીધેલી લોનનો ચેક પરત ફરવાના કેસમાં છ મહિનાની કેદ

રૃા.૯,૯૯,૯૫૦નો ફટકારાયો દંડઃ

જામનગર તા.૧૬ ઃ જામનગરના નાની ખાવડી ગામના એક આસામીએ બોલેરો ખરીદવા લીધેલી લોન ભરપાઈ કરવા આપેલો ચેક પરત ફર્યાની કોર્ટમાં ફરિયાદ કરાઈ હતી. તે કેસ ચાલી જતાં અદાલતે આરોપીને છ મહિનાની કેદ અને ચેકની રકમ મુજબનો દંડ ભરવા હુકમ કર્યાે છે.

જામનગર તાલુકાના નાની ખાવડી ગામના હિતેન્દ્રસિંહ ઉમેદસંગ દલજાડેજા નામના આસામીએ બોલેરો ખરીદવા માટે ચોલામંડલ ઈન્વેસ્ટમેન્ટ એન્ડ ફાયનાન્સ કંપની પાસેથી લોન મેળવી હતી. તે લોનની રકમ રૃા.૯,૯૯,૯૫૦ ભરપાઈ કરવા હિતેન્દ્રસિંહે ચેક આપ્યો હતો. તે ચેક બેંકમાંથી પરત ફર્યાે હતો.

આ આસામી સામે કંપનીના અધિકારીએ જામનગર કોર્ટમાં ફરિયાદ નોંધાવી હતી. તે કેસ ચાલી જતાં અદાલતે આરોપીને તક્સીરવાન ઠરાવી છ મહિનાની કેદની સજા અને ચેકની રકમ મુજબનો દંડ ફટકાર્યાે છે. દંડ ચૂકવવામાં ન આવે તો વધુ એક મહિનાની કેદની સજા ફટકારાઈ છે. સજાના હુકમ સમયે આરોપી અદાલતમાં હાજર ન હોવાથી તેની સામે વોરંટ ઈસ્યુ કરવામાં આવ્યું છે. લોન લઈને હપ્તા ભરપાઈ ન કરતા વ્યક્તિઓની માનસિકતા તથા વર્તન સામે અદાલતે દાખલારૃપ હુકમ આપ્યો છે. ફરિયાદી કંપની તરફથી વકીલ કે.એન. ચાવડા, સુનિલ એન. ચાવડા, એ.વી. રાઠોડ રોકાયા હતા.

જો આપને આ પોસ્ટ ગમી હોય તો શેર કરો...