પીરોટન ટાપુમાં ફરી દબાણો ન થઈ જાય, તેની તકેદારી રાખવા આવેદન

Author: નોબત સમાચાર

પીરોટન ટાપુમાં ફરી દબાણો ન થઈ જાય, તેની તકેદારી રાખવા આવેદન

જામનગરના પ્રકૃતિપ્રેમીઓની સરકારને અપીલ

જામનગર તા. ૧૬ઃ મરીન નેશનલ પાર્કના કેટલાક ટાપુઓમાં ગેરકાયદે દબાણો થયા હતાં તેને દૂર કરાયા છે અહિં ફરીથી દબાણો થાય નહીં તેની તકેદારી રાખવા મુખ્યમંત્રીને ઉદેશીને લખવામાં આવેલ આવેદનપત્ર જામનગર જિલ્લા કલેકટર કચેરીમાં પાઠવાયુ હતું.

જામનગરના પ્રકૃતિ પ્રેમીઓ દ્વારા પાઠવાયેલા આવેદન પત્રમાં રજૂઆત કરતા જણાવાયું છે કે પીરોટન ટાપુ પર વર્ષોથી પ્રકૃતિ મંડળો દ્વારા નેચર ટુર, પ્રકૃતિ શિક્ષણ શિબિરના આયોજન થતા હતાં વળી દેશ વિરોધી પ્રવૃત્તિ કરતા તત્વો આ ટાપુમાં આશ્રયને અસુરક્ષિત માનતા હતા. ટાપુના વિકાસનાં નામે આચરાયેલ ભ્રષ્ટાચારની પોલ ખુલ્લી ન પડી તે માટે મરીન નેશનલ પાર્કના અધિકારીઓ વારંવાર ટાપુમાં પ્રવેશ ઉપર પ્રતિબંધ મુકતા રહે છે. પરીણામે પીરોટન ટાપુમાં અનેક નાના-મોટા ધાર્મિક સ્થળો ઉભા થઈ ગયા અને દેશ વિરોધી તત્ત્વોને મોકળુ મેદાન મળ્યુ. ટાપુ ઉપર નશાકારક ચીજવસ્તુની હેરાફેરી થવા લાગી. અને લોકોમાં અવર-જવર ઉપર પ્રતિબંધના કારણે ધાર્મિક દબાણોની માહિતી સરકારને સમયસર મળી નહી.

જામનગર જીલ્લાની પ્રવાસન પ્રવૃત્તિને પ્રોત્સાહન મળે તેમજ ટાપુઓ પર દેશ વિરોધી પ્રવૃત્તિઓની જાણ તંત્ર સુધી સમયસર પહોંચી શકે તે માટે જામનગર હોટેલ-રેસ્ટોરન્ટ તથા સામાજીક સંસ્થાઓએ અગાઉ ૨૦૦૮માં તે સમયના મુખ્યમંત્રી નરેન્દ્ર મોદી સમક્ષ રજૂઆત પણ કરી હતી. જેથી સરળતા કરી આપવામાં આવી હતી.

પરંતુ નરેન્દ્ર મોદી દિલ્હી ગયા ત્યારથી વન વિભાગે ટાપુ ઉપર જવાની મંજૂરી આપવામાં બખાડા શરૃ કર્યા છે. નજીવા કારણોસર ત્યાં અવર જવર બંધ કરવામાં આવતા હોટલ એસોસીએશનએ પ્રકૃત્તિ મંડળોમાં અસંતોષની લાગણી પ્રવર્તી રહી છે.

જામનગર મરીન નેશનલ પાર્કના સીસીએફ દ્વારા મનઘડત નિયમોના કારણે આ ટાપુ ઉપર કોઈ સંસ્થા નથી. પરીણામે ત્રણ-ચાર વર્ષથી પીરોટન ટાપુ બંધ સમાન છે.

પીરોટન ટાપુ ઉપર નેચર ટુરની મંજૂરી ચર્ચા કરવા અનેક સંસ્થાઓ જામનગરનાં ગંજીબાડામાં આવેલ મરીન નેશનલ પાર્કની કચેરીમાં ધકકા થાય છે. પરંતુ ૧૬૦૦ કિ.મી.ના દરીયા કાંઠાની જેમાં આ ઓફિસ પણ રેઢી પટ છે. મુખ્ય વન સંરક્ષક, નાયબ વન સંરક્ષક કયારેય ઓફિસમાં હાજર હોતા જ નથી. આ બાબતે મંત્રી, સાંસદ, ધારાસભ્યને પણ રજૂઆત કરી પરંતુ અધિકારીઓ તેમને પણ ઉઠા ભણાવે છે. તેમનાં કારણે જામનગરનાં શિપીંગ, પ્રવાસન ઉદ્યોગ પડી ગયા છે.

જો મંજૂરી આપવામાં આવે તો દેશ અને દુનિયામાંથી અનેક પ્રકૃતિપ્રેમીઓ જામનગર વિદ્યાર્થીઓ જામનગર આવશે. જેથી હોટલ, રેસ્ટોરન્ટ સહિતના ધંધાર્થીઓને રોજગારી મળશે. સાથો સાથ રાષ્ટ્ર વિરોધી પ્રવૃત્તિ બાબતે તંત્રને જાણકારી મળી રહેશે.

જો આપને આ પોસ્ટ ગમી હોય તો શેર કરો...