Author: નોબત સમાચાર
આણંદપરમાં ગાયને રોટલી આપવા ગયેલા વૃદ્ધાનું ઢીંકે ચઢવાથી મૃત્યુ
ગાયે શિંગડું ભરાવી રોડ પર પછાડતા બન્યો બનાવઃ
જામનગર તા.૧૧ : કાલાવડના આણંદપર ગામના એક વૃદ્ધા ગયા મંગળવારે રાત્રે ગાયને રોટલી આપવા માટે ઘરની બહાર ગયા ત્યારે તેઓને એક ગાયે ઢીંક મારીને પછાડ્યા હતા. ગંભીર ઈજા પામેલા આ વૃદ્ધાનું મૃત્યુ નિપજ્યું છે.
કાલાવડ તાલુકાના આણંદ પર ગામમાં વસવાટ કરતા મૂળ રાજકોટ જિલ્લાના કણકોટ ગામના વતની રાઠોડ કંકુબેન માવજીભાઈ (ઉ.વ.૬૦) નામના વૃદ્ધા ગયા મંગળવારે રાત્રે સાડા આઠેક વાગ્યે ભોજન કર્યા પછી ઘરની બહાર ગાયને રોટલી આપવા ગયા હતા.
આ વેળાએ એક ગાયે તે વૃદ્ધાને શિંગડે ચઢાવી પછાડી દીધા હતા. રોડ પર પછડાયેલા કંકુબેનને માથા સહિતના શરીરના અન્ય ભાગોમાં ગંભીર ઈજા થઈ હતી. તેઓને સારવાર માટે દવાખાને લઈ જવાયા હતા. આ વૃદ્ધાનું મૃત્યુ નિપજ્યું છે. તેમના સંબંધી કાનજી મંગાભાઈ રાખસીયાએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
