સ્વ. ગુંજનની પુણ્યસ્મૃતિમાં રક્ત દાન કેમ્પઃ પ૦ બોટલ રક્ત એકત્ર

Author: નોબત સમાચાર

સ્વ. ગુંજનની પુણ્યસ્મૃતિમાં રક્ત દાન કેમ્પઃ પ૦ બોટલ રક્ત એકત્ર

જામનગરના પત્રકાર ગિરીશભાઈ ગણાત્રાના દિવંગત પુત્ર

જામનગર તા. ૧૧: જામનગરના ગોલ્ડન નેસ્ટ કોન્ડોમિનિયમ દ્વારા પત્રકાર ગિરીશભાઈ ગણાત્રાના પુત્ર ગુંજનભાઈ ગણાત્રાની સ્મૃતિમાં સતત ચોથા વર્ષે આયોજીત કરાયેલા રક્તદાન યજ્ઞમાં પ૦ જેટલા રક્તદાતાઓએ રક્તદાન કર્યું હતું, જેમાં મહિલાઓની સંખ્યા પણ ગણનાપાત્ર હતી.

ડી.કે.વી. કોલેજ સર્કલ પાસે ગોલ્ડન નેસ્ટ એપાર્ટમેન્ટના કોમન હોલમાં જામનગરની સરકારી જી.જી. હોસ્પિટલની બ્લડબેંક અને ગણાત્રા પરિવારના સહકારથી આયોજીત કરાયેલા આ રક્તદાન કેમ્પમાં જામનગર જિલ્લા સહકારી બેંકના ચેરમેન અને અખિલ ગુજરાત લોહાણા સમાજના પ્રમુખ જીતુભાઈ લાલના હસ્તે દીપ પ્રાગટ્ય કરવામાં આવ્યું હતું. આ વેળાએ જામનગર લોહાણા મહાજનના પ્રમુખ ભરતભાઈ મોદી (સાબુવાળા), જયેશભાઈ રૂપારેલિયા તેમજ આગેવાનો અને પત્રકારો ઉપસ્થિત રહ્યા હતાં.

આ રક્તદાન યજ્ઞ સાથે યોજાયેલા હેમોગ્લોબીન ચેકઅપનો લાભ પણ મોટી સંખ્યામાં લોકોએ લીધો હતો. આ કેમપને સફળ બનાવવા માટે ગોલ્ડન નેસ્ટ કોન્ડોમિનિયમના હોદ્દેદારો રમેશભાઈ ગઢવી, પ્રણવસિંહ જાડેજા, ગિરીશભાઈ ગણાત્રા, વિપુલભાઈ દુદાણી તથા કમિટીના સભ્યોએ જહેમત ઊઠાવી હતી.

જો આપને આ પોસ્ટ ગમી હોય તો શેર કરો...