Author: નોબત સમાચાર
જામનગરની શાન સમાન રણમલ તળાવ આગામી માસે છલકાઈ જશે
રંગમતિ ડેમને કામગીરી માટે ખાલી કરવાથી
જામનગર તા. ૧૧: જામનગરના તળાવમાં પાણી લાવતી કેનાલની સઘન સફાઈ કામગીરી કરવામાં આવી રહી છે. આગામી માસે ડેમમાંથી પાણી છોડવામાં આવનાર છે. જેના કારણે ભરઉનાળે તળાવ છલકાઈ જશે.
જામનગરની મધ્યમાં આવેલ અને નગરની શાન સમાન તળાવમાં હાલ પાણીનું લેવલ ઘટી રહ્યું છે, પરંતુ રંગમતિ ડેમના દરવાજા બદલવા, અથવા રીપેર કરવાની કામગીરી કરવામાં આવનાર હોવાથી આ ડેમમાંથી પાણી ખાલી કરવામાં આવનાર છે.
આથી તેનું પાણી નદી અને દરિયામાં વહી જાય અને કિંમતી પાણીનો જથ્થો વેડફાઈ તે પહેલા મહાનગરપાલિકાએ આ પાણીનો સદ્ઉપયોગ કરવાનો ઉચિત નિર્ણય કર્યો છે અને તે પાણી કેનાલમાં ઠાલવવામાં આવશે, અને કેનાલ વાટે પાણી શહેરની મધ્યમાં આવેલ તળાવમાં ઠલવાશે જેથી આગામી માસે તળાવમાં મબલક પાણીની આવક થશે અને તળાવના તળિયા દેખાવવાના સમયે પાણીથી છલોછલ ભરેલું હોય તેવા દૃશ્યો જોવા મળશે. જેથી તળાવની આજુબાજુના વિસ્તારના પાણીના તળ ઊંચા આવશે અને બોર-ડંકી દ્વારા સતત પાણી મળતું રહેશે.
આ કારણોસર હાલ તળાવમાં પાણી લાવતી કેનાલની સફાઈ કામગીરી મહાનગરપાલિકા દ્વારા હાથ ધરવામાં આવી રહી છે.
આમ બે સરકારી વિભાગ વચ્ચે થયેલા સંકલનના કારણે આવકારદાયક નિર્ણય લેવામાં આવ્યો છે. જેથી નગરના કેટલાક લોકોને પાણી સમસ્યામાં અમુક અંશે રાહત મળશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
