Author: નોબત સમાચાર
જામનગરમાં આકરો તાપઃ મહત્તમ ૩૭.૯ ડિગ્રી
છેલ્લા ૪૮ કલાકમાં તાપમાન ૪.૩ ડિગ્રી વધતા
જામનગર તા. ૧૧: જામનગરમાં શિયાળાની વિદાય પછી ઉનાળાનું આગમન થઈ ચુકયું છે. માર્ચ માસના બીજા સપ્તાહથી તાપમાનમાં વધારો થવાની સાથે ગરમીમાં પણ વધારો થવા લાગ્યો છે. નગરમાં છેલ્લા ૪૮ કલાકમાં ૪.૩ ડિગ્રીના વધારા સાથે મહત્તમ તાપમાનનો પારો ૩૭.૯ ડિગ્રીએ પહોંચી ગયો છે. તાપમાન ૩૮ ડિગ્રી નજીક પહોંચતા શહેરમાં છેલ્લા બે દિવસથી બપોરે આકરો તાપ પડી રહ્યો છે. અસહ્ય ગરમીથી પ્રજાજનો ત્રાહીમામ પોકારી ઉઠયાં હતાં. સાંજે પણ હવે વાતાવરણમાં ગરમાહટ અનુભવાઈ રહી છે.
જામનગરમાં મંગળવારે સવારે પૂરા થતા ચોવિસ કલાક દરમિયાન નહીંવત વધારા સાથે લઘુતમ તાપમાન ૨૦.૬ ડીગ્રી નોંધાયું હતું. વાતાવરણમાં ભેજનું પ્રમાણ ૧૮ ટકા ઘટીને ૫૫ ટકા રહ્યું હતું. પવનની ગતિ વધીને પ્રતિકલાકની સરેરાશ ૨૦ થી ૨૫ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
