Author: નોબત સમાચાર
સજુબા સ્કૂલ પાસે કચરાના ગંજમાં આગ
ટ્રાન્સફોર્મરને જ્વાળાઓ અડકવાની ઉભી થઈ હતી શક્યતાઃ
જામનગર તા.૧૧ : જામનગરની જૂની દીપક ટોકિઝ સામે ઘણાં દિવસથી એકઠા થયેલા કચરાના ગંજને કોઈએ નહીં ઉપાડતા આજે સવારે કોઈ વેપારીએ તે ગંજમાં દીવાસળી નાખી હતી અને આગ ભભૂકી હતી. મોટી દુર્ઘટના સર્જાય તે પહેલાં આગને બુઝાવાઈ હતી.
જામનગરની સજુબા ગર્લ્સ હાઈસ્કૂલ નજીક ઘણાં સમયથી કચરો એકઠો થઈ રહ્યો હતો. ત્યાંથી કચરો ઉપાડાતો ન હોવાથી કેટલાક વેપારીઓએ કચરાની ત્યાંથી પસાર થતી ગાડીવાળાઓને તેની જાણ કરી કચરો ઉપાડવા માટે કહ્યું હતું પરંતુ આ પોઈન્ટ અમારામાં આવતો નથી તેવો જવાબ અપાતો હતો અને સફાઈ કરતી મહિલા કર્મચારીઓ પણ કચરો ઉપાડતી ન હતી.
તે દરમિયાન કોઈ વ્યક્તિએ રોષે ભરાઈને તે કચરામાં આજે સવારે આગ લગાવી દેતાં કચરો ભડભડ સળગી ઉટ્યો હતો. તેમાંથી નીકળતી જ્વાળાઓ નજીકમાં આવેલા વીજ કંપનીના ટ્રાન્સફોર્મર સુધી પહોંચવા લાગતા મોટો અકસ્માત સર્જાવાની શક્યતાઓ જણાઈ રહી હતી. તે દરમિયાન આગને બુઝાવી નખાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
