Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
મળી આવેલા બાટલા નિવૃત્ત પીઆઈના નામે હતાઃ
જામનગર તા.૨૬ : જામનગરના મોટી લાખાણી ગામમાંથી થોડા સમય પહેલાં ઝડપાયેલી દેશી દારૂની એક ભઠ્ઠી સાથે મળી આવેલા શખ્સે નિવૃત્ત પીઆઈની પણ સંડોવણી હોવાનું કબૂલતા પોલીસે આ નિવૃત્ત અધિકારીની ધરપકડ કરી હતી. આ આરોપીએ જામીનમુક્ત થવા કરેલી અરજી અદાલતે મંજૂર રાખી છે.
જામનગર તાલુકાના મોટી લાખાણી ગામના ખારા વિસ્તાર પાસે એક દારૂની ભઠ્ઠી ચાલુ થઈ હોવાની બાતમી પરથી પંચકોશી એ ડિવિઝનના સ્ટાફે દરોડો પાડતા ત્યાંથી જાડેજા રાજેન્દ્રસિંહ મહિપતસિંહ નામનો શખ્સ ઝડપાઈ ગયો હતો અને વિજયસિંહ મહિપતસિંહ નાસી ગયો હતો. સ્થળ પરથી પોલીસે ૨૮૦ લીટર દારૂ, ભઠ્ઠીના સાધનો કબજે કર્યા હતા.
ત્યારપછી તપાસમાં આ ભઠ્ઠીમાં નિવૃત્ત પીઆઈ મેઘરાજસિંહ ભુરૂભા ઝાલાની સંડોવણી હોવાનું ખૂલતા અને સ્થળ પરથી મળેલા રાંધણ ગેસના બાટલા પણ મેઘરાજસિંહ ભુરૂભાના નામના હોવાનું જણાઈ આવતા તપાસ આગળ ધપાવાઈ હતી. જેમાં આરોપીઓ દ્વારા નિવૃત્ત પીઆઈને યુપીઆઈથી ઓનલાઈન પેમેન્ટ કરાતું હોવાનું જ્યારે મુખ્ય આરોપીઓએ નિવૃત્ત પીઆઈને ૧૫૦ જેટલા ફોન કર્યાનું પણ તપાસમાં ખૂલતા નિવૃત્ત પીઆઈની આ ગુન્હામાં ધરપકડ કરવામાં આવી હતી.
તે પછી જેલહવાલે થયેલા આરોપીએ જામીનમુક્ત થવા અરજી કરતા ફરિયાદ પક્ષે દલીલ કરી હતી કે, આરોપી નિવૃત્ત પોલીસ અધિકારી હોવા છતાં અસામાજિક પ્રવૃત્તિઓ સાથે સંકળાઈ તેમને મદદ કરી છે તેમજ આરોપી મેઘરાજસિંહે ચાર્જશીટ કરવા માટે પણ મેસેજ કર્યાે છે. તેની સામે બચાવ પક્ષે દલીલ કરી હતી કે, ઓનલાઈન પૈસા જમા કરાવવામાં આવ્યા છે અને આરોપી તપાસમાં હસ્તક્ષેપ કરશે તેવા અનુમાનિત કારણથી આરોપીને જામીન ન આપી શકાય તેવો કાયદાનો હેતુ નથી તેથી તેઓને જામીનમુક્ત કરવા જોઈએ. અદાલતે તે દલીલ ગ્રાહ્ય રાખી આરોપી નિવૃત્ત પીઆઈ મેઘરાજસિંહ ભુરૂભાને જામીનમુક્ત કરવાનો હુકમ કર્યાે છે. આરોપી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial