કરાર કરી આપ્યા પછી અન્યને તેનું વેચાણ કરવાના ગુન્હામાં એકના જામીન

Author: નોબત સમાચાર

કરાર કરી આપ્યા પછી અન્યને તેનું વેચાણ કરવાના ગુન્હામાં એકના જામીન

શખ્સે માલિક ન હોવા છતાં કર્યાે હતો કરારઃ

જામનગર તા.ર૬ : જામનગરના એક આસામીએ મકાન ખરીદવા માટે સોદો કરી કરાર કરાવ્યો હતો. તે કરારમાં મકાન માલિક ન હોવા છતાં એક શખ્સે સહી કરી આપી હતી અને ખરા મકાન માલિકોએ તે મકાન અન્યને વેચી નાખ્યું હતું. આ બાબતની પોલીસમાં ફરિયાદ થયા પછી એક આરોપીએ જામીનમુક્ત થવા હાઈકોર્ટમાં કરેલી અરજી ચાલી જતાં તેને જામીનમુક્ત કરાયો છે.

જામનગરના ઢીંચડા રોડ પર પરેશ દેવશીભાઈ તથા હરેશ દેવશીભાઈ ગોહિલ નામના વ્યક્તિના આવેલા મકાનને ખરીદવા માટે હરપાલ સિંહ ઘનશ્યામસિંહ ઝાલાએ સોદો કર્યા પછી ગૌતમ હમીરભાઈ પારીયા તે મકાનનો માલિક ન હોવા છતાં તેણે કરારમાં સહી કરી હતી.

તે પછી તેનો દસ્તાવેજ કરી ન અપાતા મકાન માલિક પરેશ અને હરેશ ગોહિલે તે મકાન અન્ય વ્યક્તિને વેચ્યાનું અને ગૌતમ તેનો માલિક ન હોવા છતાં કરાર કરી ગયો હોવાનું ખૂલતા પોલીસમાં વિશ્વાસઘાત તથા છેતરપિંડી અંગે ફરિયાદ કરાઈ હતી. પોલીસે આરોપી ઓની ધરપકડ કરી હતી. આરોપી પૈકીના ગૌતમ પારીયા દ્વારા જામીનમુક્ત થવા અરજી કરાતા હાઈકોર્ટ દ્વારા આરોપીને જામીન મુક્ત કરવામાં આવ્યો છે. આરોપી તરફથી વકીલ કિરણભાઈ બગડા, મેહુલ પાડલીયા, જયન ગણાત્રા, પાર્થ બગડા રોકાયા છે.

જો આપને આ પોસ્ટ ગમી હોય તો શેર કરો...