Advertisement
Author: નોબત સમાચાર

જામનગરની ઈન્દિરા કોલોનીમાં મકાનમાં રાખવામાં આવેલી દારૂની ૪૦ બોટલ કબજે

ઝડપાયેલા શખ્સે સપ્લાયરનું નામ આપ્યું:

જામનગર તા.૨૬ : જામનગરના ખેતીવાડી ફાર્મ નજીકની ઈન્દિરા કોલોનીમાં એક શખ્સના મકાનમાં પોલીસે દરોડો પાડી અંગ્રેજી દારૂની ૪૦ બોટલ કબજે કરી છે. આ શખ્સે સપ્લાયરનું નામ આપ્યું છે. કાલાવડના નિકાવા પાસેથી એક શખ્સ બોટલ સાથે ઝડપાયો છે. વુલન મીલ નજીક બાવરીવાસમાં ઝૂંપડામાંથી દેશી દારૂની ભઠ્ઠી ઝડપાઈ છે.

જામનગરના ખોડિયાર કોલોની વિસ્તારથી આગળ આવેલા ખેતીવાડી ફાર્મ નજીક ઈન્દિરા કોલોનીની શેરી નં.રમાં દિલીપ મંગાભાઈ સુરડીયા નામના શખ્સના મકાનમાં ગઈકાલે સિટી સી ડિવિઝનના સ્ટાફે દરોડો પાડયો હતો.

આ મકાનની તલાશી લેવાતા ત્યાંથી ભારતીય બનાવટના અંગ્રેજી શરાબની જુદી જુદી બે બ્રાંડની કુલ ૪૦ બોટલ મળી આવી હતી. તે જથ્થા સાથે દિલીપ સુરડીયાની ધરપકડ કરાઈ છે. આ શખ્સે તે જથ્થો બિપીન ઉર્ફે લાકડી કારાભાઈ મુછડીયા પાસેથી લીધો હોવાની કબૂલાત કરી છે.

કાલાવડ તાલુકાના નિકાવા ગામ પાસેથી ચારણ પીપળીયા ગામનો અજય રાખસીયા નામનો શખ્સ દારૂની બોટલ સાથે પકડાઈ ગયો છે.

જામનગરના દિગ્જામ વુલન મીલ વિસ્તારમાં ખુલ્લા ફાટક પાસેના બાવરીવાસમાં વૈજયંતી વિજય કોળી નામની મહિલાના ઝૂંપડામાંથી પોલીસે દેશી દારૂની ભઠ્ઠી પકડી પાડી છે. ત્યાંથી આથો, તૈયાર દારૂ, ભઠ્ઠીના સાધનો કબજે કરવામાં આવ્યા છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh