પૂ.પા.ગો.શ્રી વ્રજભૂષણલાલજી મહારાજશ્રી વિદ્યાલયનો વાર્ષિકોત્સવ યોજાયોઃ વિદ્યાર્થીઓએ કૃતિઓ રજૂ કરી

Author: નોબત સમાચાર

પૂ.પા.ગો.શ્રી વ્રજભૂષણલાલજી મહારાજશ્રી વિદ્યાલયનો વાર્ષિકોત્સવ યોજાયોઃ વિદ્યાર્થીઓએ કૃતિઓ રજૂ કરી

સમાજના શ્રેષ્ઠીઓ, નગરના મહાનુભાવો તથા સંસ્થાના હોદ્દેદારો રહ્યા ઉપસ્થિત

જામનગર તા. ૨૬: જામનગરના લાલપુર બાયપાસ પાસે આવેલ પૂ.પા.ગો.શ્રી વ્રજભૂષણલાલજી મહારાજશ્રી વિદ્યાલયના વાર્ષિકોત્સવનું આયોજન આવ્યું હતું. જામનગરની મોટી હવેલીના ગાદિપતિ પૂ.પા.ગો.શ્રી હરિરાયજી મહારાજશ્રીના આશીર્વાદ તથા પૂ.પા.ગો. શ્રી વલ્લભરાયજી મહોદયશ્રીની આજ્ઞા તથા તેમના પાવન સાનિધ્યમાં આ કાર્યક્રમ યોજાયો હતો. શાળાના વિદ્યાર્થ સુંદર અને સંદેશાત્મક વિવિધ કૃતિઓ રજૂ કરી હતી.

આ પ્રસંગે વૈષ્ણવ સમાજના પ્રમુખ વજુભાઈ પાબારી, વૈષ્ણવ સમાજની અન્ય સંસ્થા, વૈશ્વણવ યુવા સંગઠન, વ્રજવલ્લભ સોશ્યલ ગ્રુપ, શ્રીમદ્ અનિરૂદ્ધ પુષ્ટિમાર્ગિય મહાવિદ્યાલય વિગેરે સંસ્થાના હોદ્દેદારો તથા વિશાળ સંખ્યામાં વાલીઓ ઉપસ્થિત રહ્યા હતાં.

આ કાર્યક્રમને સફળ બનાવવા માટે સંસ્થાના પ્રમુખ અમુભાઈ કારિયા, ઉપપ્રમુખ રાજુભાઈ ચોવટિયા, મંત્રી કેતનભાઈ બદિયાણી, સમિતિના સભ્યો જીગીશભાઈ દત્તાણી, અમરભાઈ ગોંદિયા, અંકિતભાઈ સોની, શાળાના ડાયરેક્ટર જયેશભાઈ દાવડા, આચાર્ય વૈશાલીબેન જોષી, શિક્ષકગણ તથા સ્ટાફે જહેમત ઊઠાવી હતી.

જો આપને આ પોસ્ટ ગમી હોય તો શેર કરો...