Advertisement
Author: નોબત સમાચાર

ખંભાળિયામાં ત્રીસથી વધુ મહિલાઓ દ્વારા ૪૫થી વધારે વિવિધ શિયાળુ વાનગીઓ પ્રસ્તુત

લોહાણા મહિલા મિત્ર મંડળ દ્વારા વસાણા હરીફાઈઃ

જામનગર તા. ૨: લોહાણા મહિલા મિત્ર મંડળ ખંભાળિયા દ્વારા નવી લોહાણા મહાજન વાડીમાં શિયાળુ સ્પેશિયલ વસાણા વાનગી હરીફાઈ સાથે તુલસી માતાનું પૂજન અને આરતીનું પણ આયોજન કરવામાં આવ્યું હતું. આ કાર્યક્રમમાં મુખ્ય મહેમાન તરીકે ખંભાળિયા નગરપાલિકા પ્રમુખ રચનાબેન મોટાણી ઉપસ્થિત રહ્યા હતા તેમજ દીપ પ્રાગટય કરી કાર્યક્રમને ખુલ્લો મુકવામાં આવ્યો હતો. રચનાબેને મહિલાઓને પ્રાસંગિક પ્રવચન કર્યું હતું તેમજ કાર્યકર્તા મહિલાઓને બિરદાવી હતી.

આ અનોખા કાર્યક્રમમાં ૩૦ થી વધુ રઘુવંશી મહિલાઓ દ્વારા ૪૫ થી પણ વધારે વિવિધ શિયાળુ વાનગીઓ પ્રસ્તુત કરવામાં આવી, જે સહભાગીઓના દિલ જીતી ગયા! મહિલાઓના ઉત્સાહ અને પરિશ્રમથી આ હરીફાઈ એક યાદગાર ક્ષણ બની ગઈ હતી.

તુલસી માતાના પૂજન અને આરતી સાથે ધાર્મિક ભાવને જીવંત કરવામાં આવ્યો. પ્રથમ હેતલબેન પાઉ, દ્વિતીય બંસીબેન રાજાણી અને તૃતીય વૈશાલીબેન પોપટને મેડલ તેમજ સર્ટિફિકેટ સાથે પુરસ્કાર આપવામાં આવ્યા. ભાગ લેનાર તમામ મહિલાઓને લોહાણા મહિલા મિત્ર મંડળ તેમજ પારૂલબેન પાબારી, ધર્માબેન કાનાણી, હર્ષાબેન કાનાણી, નીતાબેન બદિયાણી તેમજ વૈશાલીબેન કાનાણી તરફથી ભેટ આપવામાં આવી. સમગ્ર ટીમ તરફથી ભાગ લેનાર તમામ રઘુવંશી મહિલાઓ તેમજ નિર્ણાયક તરીકે સેવા આપનારનો આભાર માનવામાં આવ્યો હતો.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh