Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ધ્રોલમાં રોડ ક્રોસ કરતા યુવકને મોટરની ટક્કરઃ
જામનગર તા.૨ : કાલાવડના મછલીવડ ગામ પાસે બે મહિના પહેલાં રાજકોટના એક યુવાનનું બાઈક કાબુ બહાર જઈ બીજા બાઈક સાથે ટકરાઈ પડ્યું હતું. આ અકસ્માતમાં ઘવાયેલા રાજકોટના યુવાનનું સારવારમાં મૃત્યુ થયું છે. જ્યારે ધ્રોલમાં બે સપ્તાહ પૂર્વે રોડ ક્રોસ કરતા યુવાનને મોટરે ટક્કર મારી ઈજા પહોંચાડી હતી.
કાલાવડ તાલુકાના મછલી વડ ગામથી સનાળા ગામ તરફ જવાના રોડ પરથી રાજકોટના રાજેશભાઈ ઉકાભાઈ સોલંકી (ઉ.વ.૪ર) નામના યુવાન ગઈ તા.૧૭ ઓક્ટોબરની સાંજે છએક વાગ્યે જીજે-૧૦-ઈએ ૭૩૧૧ નંબરના સાઈન મોટર સાયકલ પર પુરપાટ ઝડપે પસાર થયા હતા.
આ વેળાએ સનાળા ગામના જૂના રસ્તા પાસે તેઓએ કાબૂ ગૂમાવતા મોટરસાયકલ આગળ જતાં બાઈકની પાછળ ટકરાઈ પડ્યું હતું. રાજેશભાઈ ફંગોળાઈ ગયા હતા. જમીન પર પછડાવવાથી તેઓને હેમરેજ સહિતની ઈજાઓ પહોંચી હતી.
સારવાર માટે હોસ્પિટલમાં ખસેડવામાં આવેલા રાજેશ ભાઈનું મૃત્યુ નિપજ્યું છે. લાલપુર તાલુકાના ગોવાણા ગામના ફોગાભાઈ મેઘાભાઈ પાથરે પોલીસ સમક્ષ નિવેદન આપ્યું છે. કાલાવડ શહેર પોલીસે ગુન્હાની નોંધ કરી તપાસ હાથ ધરી છે.
ધ્રોલની ગજાનંદ સોસાયટી માં રહેતા મૂળ હડિયાણાના પ્રતાપભાઈ નાનજીભાઈ સેરસીયાના પિતરાઈ દિનેશ સેરસીયા ગઈ તા.ર૦ની રાત્રે દસેક વાગ્યે ધ્રોલ શહેરમાં ગાંધી ચોક રોડ પર હતા. ત્યારે તેઓને જીજે-૩૮-બીસી ૧૪૩૦ નંબરની મોટરે ઠોકર મારી પછાડ્યા હતા. હેમરેજ, ફ્રેક્ચર સહિતની ઈજા પામેલા દિનેશભાઈને સારવારમાં ખસેડવામાં આવ્યા છે. મોટર ચાલક સામે પ્રતાપભાઈએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial