Author: નોબત સમાચાર
પુત્રીના છૂટાછેડા કરાવવાનું કહી મહિલાને એક શખ્સની ધમકી
જામનગર તા.ર : જામનગરના રણજીતસાગર રોડ પર રહેતા એક મહિલાના ઘેર આવી ધોરીવાવના શખ્સે ગાળો ભાંડી તારી પુત્રીના છૂટાછેડા કરાવી નાખજે તેમ કહી ધમકી આપી હતી. જ્યારે દ્વારકાના આંબેડકરનગરમાં એક મહિલાના ઘરના બારણામાં મોડીરાત્રે લાતો મારી એક શખ્સ તથા મહિલાએ ધમકી આપ્યાની ફરિયાદ કરાઈ છે.
જામનગરના રણજીત સાગર રોડ પર આવેલી ગોકુલ ધામ સોસાયટીમાં રહેતા દેવી બેન ગાંગજીભાઈ ખરા નામના પ્રૌઢા ગઈ તા.૨૮ની સવારે પોતાના ઘરે હતા.
આ વેળાએ જામનગર તાલુકાના ધોરીવાવમાં રહેતો અશોક પૂનાભાઈ ખરા નામનો શખ્સ ધસી આવ્યો હતો. તેણે ગાળો ભાંડી દેવીબેનને ધમકી આપી હતી અને તારી દીકરીના હરેશ સાથે છૂટાછેડા કરાવી નાખજે તેમ કહ્યું હતું. દેવીબેને સિટી એ ડિવિઝનમાં અશોક ખરા સામે ફરિયાદ કરી છે.
દ્વારકા શહેરના આંબેડકર નગરમાં રહેતા વંદનાબેન રામજીભાઈ પરમાર નામના મહિલા મંગળવારની રાત્રે પોતાના ઘરમાં સૂતા હતા ત્યારે બે વાગ્યે ધસી આવેલા મીઠાપુર ના રાકેશ ધનાભાઈ રોશીયા તથા એક મહિલાએ દરવાજામાં લાતો મારી મધુબેનને તૈયારીમાં રહેવાનંુ કહી મારી નાખવાની ધમકી આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
