Advertisement
Author: નોબત સમાચાર

ટ્રેન હેઠળ ચગદાઈ જતાં ૨૧ વર્ષીય યુવતીનું મૃત્યુ

દ્વારકા નજીક નાગેશ્વરમાં પ્રૌઢને હૃદયરોગનો હુમલોઃ

જામનગર તા. રઃ જામનગરના વિજયનગર પાસે રહેતા એક યુવતી ગઈકાલે કોઈ રીતે ટ્રેન હેઠળ આવી જતાં ઈજા થવાથી મૃત્યુ પામ્યા છે. જ્યારે દ્વારકા નજીક નાગેશ્વર પાસે રહેતા એક પ્રૌઢને હૃદયરોગનો હુમલો ભરખી ગયો છે.

જામનગરના ગોકુલનગર નજીકના વિજયનગરની શેરી નંં.રમાં રહેતા મિતલબેન પરબતભાઈ ભાદરકા (ઉ.વ.૨૧) નામના યુવતી ગઈકાલે સવારે સાડા અગિયારેક વાગ્યે વિજયનગર નજીક આવેલા રેલવે ફાટક પર પહોંચ્યા હતા.

આ વેળાએ ત્યાંથી પસાર થતી એક ટ્રેન હેઠળ કોઈ રીતે મિતલબેન આવી જતાં ગંભીર ઈજા પામ્યા હતા. તેઓનું મૃત્યુ નિપજ્યું છે. તેમના માતા રાધા બેન પરબતભાઈ ભાદરકાએ પોલીસને જાણ કરી છે. સિટી સી ડિવિઝનના પીએસઆઈ ડી.કે. ગોહિલે અપમૃત્યુ અંગે નોંધ કરી તપાસ આદરી છે.

દેવભૂમિ દ્વારકા જિલ્લાના નાગેશ્વર ગામમાં શિવમંદિર પાસે રહેતા અને ત્યાં સેવા પૂજા કરતા મૂળ ઉત્તરપ્રદેશના બલીયા જિલ્લાના દુબેછપરા ગામના વતની બચ્ચેલાલ લક્ષ્મણ ચૌધરી (ઉ.વ.૪૮) નામના યુવાનને ગઈકાલે સવારે હૃદયરોગનો હુમલો આવી જતાં તેમનું મૃત્યુ નિપજ્યું છે. પુત્ર વિકેશ ચૌધરીએ પોલીસને જાણ કરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh