અમેરિકામાં આતંકી હુમલા પછી વિસ્ફોટઃ મોન્ટેનેગ્રીનમાં ફાયરીંગઃ કુલ ર૭ ના મોત

Author: નોબત સમાચાર

અમેરિકામાં આતંકી હુમલા પછી વિસ્ફોટઃ મોન્ટેનેગ્રીનમાં ફાયરીંગઃ કુલ ર૭ ના મોત

નવા વર્ષના પ્રારંભે જ યુરોપ-અમેરિકામાં જુદા જુદા સ્થળે ત્રણ જીવલેણ હિંસક ઘટનાઓથી વિશ્વ ધ્રુજ્યુઃ ટ્રકમાંથી આઈએસઆઈએસનો ધ્વજ મળ્યોઃ તપાસ-કાર્યવાહી શરૂ

વોશિંગ્ટન તા. રઃ નવા વર્ષના પ્રરંભે જ અમેરિકા અને યુરોપિયન દેશોમાં બનેલી ત્રણ હિંસક ઘટનાઓમાં એકંદરે ર૭ લોકોના મોત થયા છે, અને ઘણાં લોકોને ઈજા પહોંચી છે. જુદા જુદા સ્થળે બનેલી આ ઘટનઓ પછી સ્થાનિક પોલીસ અને સુરક્ષાદળોએ તપાસ અને કાર્યવાહી શરૂ કરી છે. અમેરિકાના આતંકી હુમલાના આરોપીની ઓળખ થઈ ગઈ છે, ટ્રકમાંથી આઈએસઆઈએસનો ઝંડો મળી આવ્યો છે.

ગઈકાલે અમેરિકાના ન્યૂ ઓલિંયન્સમાં બોર્બોન સ્ટ્રીટ પર નવા વર્ષની ઉજવણી કરી રહેલા લોકોને ટ્રક ડ્રાઈવરે ટક્કર મારી અને ભીડ પર ગોળીબાર કર્યો હતો. આ આંતકવાદી હુમલામાં માર્યા ગયેલા લોકોની સંખ્યા ૧૦ થી વધીને ૧પ થઈ ગઈ છે. એફબીઆઈ એ આ હુમલાને આતંકવાદી હુમલો માનીને તપાસ શરૂ કરી છે, કારણ કે હુમલાખોરના વાહનમાંથી આતંકી સંગઠન આઈએસઆઈએસનો ઝંડો મળી આવ્યો હતો.

જો કે, પોલીસની જવાબી કાર્યવાહીમાં હુમલાખોરનું મોત થયું હતું. એફબીઆઈએ જણાવ્યું હતું કે ગઈકાલે બપોરે લગભગ ૩-૧પ વાગ્યે ફ્રેન્ચ ક્વાર્ટરમાં બોર્બોન સ્ટ્રીટ પર થયેલા હુમલા પછી પોલીસ સાથેની ગોળીબારમાં આરોપી ડ્રાઈવરનું મૃત્યુ થયું હતું. એફબીઆઈએ પુષ્ટિ કરી છે કે તેણે ન્યૂ ઓલિંયન્સમાં ૧૦ લોકોની હત્યા કરનાર અને ૩૦ થી વધુને ઘાયલ કરનાર ડ્રાઈવરની ઓળખ ૪ર વર્ષિય શમસુદ-દીન જબ્બર તરીકે કરી છે.

એફબીઆઈએ એક નિવેદનમાં જણાવ્યું હતું કે, અમારી ટીમ જબ્બર વિશે વધુ માહિતી એકત્ર કરવા માટે કામ કરી રહી છે, કારણ કે હુમલાખોર દ્વારા ઉપયોગમાં લેવાયેલા વાહનમાંથી ઈસ્લામિક સ્ટેટ જુથનો ધ્વજ મળી આવ્યો હતો.

બીજી તરફ અમેરિકી રાષ્ટ્રપતિ જો બાઈડેને હુમલાની નિંદા કરતા કહ્યું કે મને આ ભયાનક ઘટના અંગે સતત જાણ કરવામાં આવી રહી છે. એફબીઆઈ તપાસમાં મુખ્ય ભૂમિકા ભજવી રહી છે અને આ ઘટનાને આતંકવાદ તરીકે તપાસી રહી છે. હું પીડિતો અને તેમના પરિવારો પ્રત્યે મારી સંવેદના વ્યક્ત કરૂ છું જેઓ ખાલી રજાની ઉજવણી કરી રહ્યા હતાં. અમેરિકામાં કોઈપણ પ્રકારની હિંસાનું કોઈ સમર્થન નથી અને અમે અમારા દેશમાં કોઈપણ સમુદાય પર કોઈપણ હુમલાને સહન કરીશું નહીં.

ઓલિંયન્સમાં નવા વર્ષની ઉજવણી દરમિયાન હુમલા પછી સુગર બાઉલને ર૪ કલાક માટે મોકૂફ રાખવામાં આવ્યો છે. ઓલસ્ટેટ સુગર બાઉલના સીઈઓ જેફ હંડલીએ જણાવ્યું હતું કે, જ્યોર્જિયા અને નોટ્રે ડેમ વચ્ચે કોલેજ ફૂટબોલ પ્લેઓફ ક્વાર્ટર ફાઈનલની રમત આજે રમાશે. આ મેચ બુધવારે સાાંજે ય)ૂ ઓાલિંયનસમાં સુપર ડોમમાં થવાની હતી.

અમેરિકાના ન્યૂ ઓલિંયન્સમાં આતંકવાદી પછી ટ્રમ્પની હોટલ પાસે થયેલા વિસ્ફોટથી ખળભળાટ મચી ગયો છે. પોલીસના જણાવ્યા અનુસાર બુધવારે લાસ વેગાસમાં ટ્રમ્પ હોટલની બહાર ટેસ્લા કંપનીના સાયબર ટ્રકમાં વિસ્ફોટ થયો હતો, જેમાં એકનું મોત થયું હતું, અને સાત ઘાયલ થયા હતાં.

આ ટ્રક એલોન મસ્કની કંપનીની છે, જેને ટ્રમ્પે તેમની સરકારમાં મહત્ત્વના પદ માટે નામાંકિત કર્યા છે. લાસ વેગાસ શેરિફ કેવિન મેકમહિલે પત્રકારોને જણાવ્યું હતું કે, 'મટો વિસ્ફોટ' કરતા પહેલા એક ઈલેક્ટ્રીક વાહન ટ્રમ્પ ઈન્ટરનેશનલ હોટેલના કાચના દરવાજા સુધી પહોંચ્યું હતું. વીડિયો કૂટેજ દર્શાવે છે કે હોટલના પ્રવેશદ્વાર પર પાર્ક કરેલી સ્ટેનલેસ સ્ટીલની ટ્રકમાં અચાનક આગની જવાળાઓ ફાટી નીકળી હતી. ત્યારપછી ફટાકડા જેવા દેખાતા અનેક નાના વિસ્ફોટો થયા હતાં. ઘટના સ્થળે પહોંચેલા પોલીસ અધિકારીઓએ સમગ્ર વિસ્તારને ખાલી કરાવ્યો હતો અને ટ્રકને પોતાના કબજામાં લીધી હતી.

પોલીસના જણાવ્યા અનુસાર સાયબર ટ્રકની અંદર એક વ્યક્તિ મૃત હાલતમાં મળી આવી હતી, જ્યારે સાત લોકોને 'સામાન્ય' ઈજાઓ થઈ હતી. ટેસ્લાના વડા એલોન મસ્કએ એક પોસ્ટમાં જણાવ્યું હતું કે વિસ્ફોટ 'ખૂબ મોટા ફટાકડા અથવા એક બોમ્બમાં મૂકવામાં આવ્યો હતો.' સાયબરટ્રક ભાડે આપેલ. વિસ્ફોટને કારણે તેમણે કહ્યું કે, 'સમગ્ર ટેસ્લા વરિષ્ઠ ટીમ' વિસ્ફોટની તપાસ કરી રહી છે. અમે આ પહેલા ક્યારેય આવું કંઈ જોયું નથી. હુમલા પછી હોટેલને ખાલી કરાવવામાં આવી છે.

યુએસ પોલીસે જણાવ્યું હતું કે તેઓ હજુ પણ વિસ્ફોટનું કારણ નક્કી કરવાનો પ્રયાસ કરી રહ્યા છે. તે જ સમયે એનબીસી અને સીબીએસ સહિત ઘણાં અમેરિકન મીડિયાએ અનામી સ્ત્રોતોને ટાંકીને અહેવાલ આપ્યો કે અધિકારીઓને શંકા છે કે આ પણ આતંકવાદી હુમલો હતો. આ ફોર્મમાં તેની તપાસ કરવામાં આવી રહી છે.

મસ્કે કહ્યું કે તપાસ થતા જ આ અંગે વધુ કંઈક જાણવા મળશે. અમે વધુ માહિતી પોસ્ટ કરીશું,જો કે તેણે આશંકા વ્યક્ત કરી છે કે ટ્રમ્પની બહાર થયેલા સાયબર ટ્રક વિસ્ફોટને ન્યૂ ઓલિંયન્સ આતંકવાદી હુમલા સાથે પણ જોડવામાં આવી શકે છે.

ટ્રમ્પની હોટલની બહાર થયેલા વિસ્ફોટ પછી જો બાઈડેને તપાસમાં જરૂર પડ્યે તમામ મદદ કરવાની ઓફર કરી છે. વ્હાઈટ હાઉસના જણાવ્યા અનુસાર રાષ્ટ્રપતિ જો બાઈડેનને આ વિસ્ફોટની જાણકારી આપવામાં આવી છે. ત્યારપછી તેમણે તેમની ટીમને કોઈપણ જરૂરી ફેડરલ સહાય પ્રદાન કરવા સૂચના આપી. અગાઉ તેને ન્યૂ ઓલિંયન્સમાં બુધવારે કાર-રેમિંગ હુમલા વિશે માહિતી આપવામાં આવી હતી, જેમાં ઓછામાં ઓછા ૧પ લોકો માર્યા ગયા હતાં.

બીજી તરફ યુરોપિયન દેશ મોન્ટેનેગ્રિન સેટિન્જેમાં થયેલા ગોળીબારમાં દસ લોકો માર્યા ગયા હતાં, જેમાં બે બાળકોનો પણ સમાવેશ થાય છે. ફાયરીંગ કરીને આરોપી ફરાર થઈ ગયો હતો. પોલીસે રાજધાની પોડગોરિકાથી લગભગ ૩૦ કિલોમીટર દૂર સેન્ટિજેમાં આ શૂટરને શોધવા માટે વિશેષ ટીમો મોકલી છે. પોલીસે ગોળીબાર કરનારની ઓળખ તેના નામના એએમ દ્વારા જ કરી હતી અને કહ્યું હતું કે તે ૪પ વર્ષનો છે. પોલીસે અન્ય કોઈ વિગતો આપી નથી. રાજ્ય આરટીસીજી ટેલિવિઝનએ જણાવ્યું હતું કે તે ૪પ વર્ષનો છે. પોલીસે અંદર રહેવાની અપીલ કરી છે અને કહ્યું છે કે, તેઓ હુમલાખોરને પકડવા માટે બધું કરશે. મોન્ટેનેગ્રિન વિજેસ્ટી દૈનિકે જણાવ્યું હતું કે ગોળીબાર એક બારમાં વિવાદ પછી થયો હતો.

પોલીસે જણાવ્યું હતું કે, ઓછામાં ઓછા ચાર મૃત્યુ થયા હતાં, જ્યારે રાજ્યના આરટીસીજી ટેલિવિઝન અને અન્ય મોન્ટેગ્રિન મીડિયાએ અહેવાલ આપ્યો હતો કે સાત લોકો માર્યા ગયા હતાં અને ગોળીબાર બારમાં થયેલી બોલાચાલીને પગલે થયો હતો.

મોન્ટેનેગ્રિનના વડાપ્રધાન મિલોસ્કો સ્પાજિક હોસ્પિટલમાં ગયા જ્યાં ઘાયલોની સારવાર કરવામાં આવી રહી હતી અને ત્રણ દિવસનો શોક જાહેર કર્યો હતો. તેણે એ પણ જણાવ્યું નથી કે કેટલા લોકો માર્યા ગયા છે. સ્પાજિકે કહ્યું કે આ એક ભયાનક દુર્ઘટના છે જેણે આપણા બધાને અસર કરી છે. પોલીસની તમામ ટીમો કામે લાગી છે. છેલ્લા અહેવાલો મુજબ અ ઘટનામાં બાળકો સહિત દસ લોકો માર્યા ગયા છે.

જો આપને આ પોસ્ટ ગમી હોય તો શેર કરો...