Author: નોબત સમાચાર
કરવેરા વસુલાતની કાર્યવાહી અંગે સુચારૂ આયોજન
ખંભાળિયા નગરપાલિકા દ્વારા
ખંભાળિયા તા. ૧૯: ખંભાળિયા પાલિકાની આર્થિક સ્થિતિ નબળી પડી હોય પાલિકા ચીફ ઓફિસર રાહુલ કરમૂર દ્વારા ટીમો બનાવીને સર્વે તથા કરવેરા વસૂલાતની કાર્યવાહી ચાલુ થઈ છે ત્યારે પાલિકાના અગ્રણીઓ તથા શહેરના અગ્રણીઓ દ્વારા પાલિકા ચીફ ઓફિસર સાથે આ બાબતે ચર્ચા વિચારણા તથા રજૂઆતો થઈ હતી.
પાલિકા વિસ્તારમાં લાયસન્સ બાકી તથા બાકી રકમો વ્યવસાય વેરા, કરવેરા અંગે અત્યંત કડક રીતે સીલ મારવાની ધમકી આપીને કડક કાર્યવાહી થતી હોય સમજાવટની રીતે પહેલા પૈસા ભરવાની સૂચના સમજુતી આપીને કાર્યવાહી કરવા તથા હાલ માત્ર જુના લાયસન્સવાળાને વ્યાજ સાથે રકમ ભરવાની કાર્યવાહી થાય છે. ત્યારે પાંચ-સાત વર્ષથી નવો ધંધો કરનારની સામે કાર્યવાહી ના થતી હોય તેમની સામે પણ પગલાની કાર્યવાહી કરીને આવક વધારવા તથા શહેરમાં હાલના નળ જોડાણો જેટલા જ ભૂતિયા જોડાણો હોય તેમની સામે પણ પગલા લઈને કાર્યવાહી કરવા તથા આવક વધારવા તથા પાલિકા ખંભાળિયામાં પણ જામનગર મ.ન.પા.ની જેમ બાકી વ્યાજ માફીની યોજના અમલમાં લાવવા રાજય સરકારમાં દરખાસ્ત કરીને યોજના લાગુ કરવા માંગ થઈ હતી.
અગ્રણીઓ પાલિકા કારો. ચેરમેન રેખાબેન ખેતીયા, અગ્રણી હિતેન્દ્રભાઈ આચાર્ય, જગુભાઈ રાયચુરા, મોહિતભાઈ મોટાણી, પાલિકા ચીફ ઓફિસર રાહુલ કરમૂર, વસુલાત અધિકારી કિશોરસિંહ સોઢા જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
