જામનગરમાં યોજાયેલી નેત્રહીન ચેસ ટૂર્નામેન્ટમાં જોડાયા ૭૦ સ્પર્ધકોઃ પુરસ્કારો એનાયત

Author: નોબત સમાચાર

જામનગરમાં યોજાયેલી નેત્રહીન ચેસ ટૂર્નામેન્ટમાં જોડાયા ૭૦ સ્પર્ધકોઃ પુરસ્કારો એનાયત

વિવિધલક્ષી તાલીમ કેન્દ્ર દ્વારા આયોજન

જામનગરના અંધજન વિવિધલક્ષી તાલીમ કેન્દ્રમાં જયરામભાઈ રામદયાલ મોહનીયા અખિલ ગુજરાત નેત્રહીન ચેસ ટુર્નામેન્ટનું આયોજન કરવામાં આવ્યું હતું. અંધજન વિવિધલક્ષી તાલીમ કેન્દ્ર-જામનગર દ્વારા આયોજિત આ ટુર્નામેન્ટમાં સમગ્ર રાજયમાંથી ૭૦ નેત્રહીન ખેલાડીઓએ ભાગ લીધો હતો. જુનિયર ગ્રુપમાં અમદાવાદના ભુવા ધ્રુવએ પ્રથમ, સોનિ પ્રિયાંશીએ દ્વિતીય અને પટેલ માનવએ તૃતીય સ્થાન પ્રાપ્ત કર્યુ હતું તેમજ સિનિયર ગ્રુપમાં અમદાવાદની સુહાની રાહુલે પ્રથમ, કચ્છના મેસરિયા ચિરંતનએ દ્વિતીય તથા વડોદરાના ડોડીયા નીરજે તૃતીય સ્થાન પ્રાપ્ત કર્યું હતું. પ્રથમ, દ્વિતીય અને તૃતીય સ્થાન મેળવનાર દરેક ખેલાડીઓને અનુક્રમે રૂ. ૩૦૦૦, રૂ. ૨૦૦૦ અને રૂ. ૧૦૦૦નો રોકડ પુરસ્કાર એનાયત કરવામાં આવ્યો હતો. આ ઉપરાંત ટુર્નામેન્ટના દરેક સ્પર્ધકને પ્રોત્સાહક પુરસ્કાર અર્પણ કરવામાં આવ્યા હતાં. ચીફ આર્બીટર તરીકે ૫ંકજભાઈ ગણાતા અને સહયોગી આર્બીટર તરીકે નિશાંત સોમૈયાએ સેવા આપી હતી. રાજય કક્ષાની આ સ્પર્ધાને સફળ બનાવવા સંસ્થાના સર્વે કર્મચારીઓએ સંયુકત રીતે જહેમત ઉઠાવી હતી. આ તકે સંસ્થાના પ્રમુખ ચંદુલાલ શાહ, મેનેજીંગ ટ્રસ્ટી ડો. પ્રકાશ મંકોડી અને માનદ મંત્રી મનીષ મારૂ ઉપસ્થિત રહ્યા હતાં.

જો આપને આ પોસ્ટ ગમી હોય તો શેર કરો...