Author: નોબત સમાચાર
સાઈડ માંગતા એક્ટિવાચાલક સહિત બે શખ્સે મોટરચાલકને ગાળો ભાંડી ધમકી આપી
નગરની પરિણીતાને ત્રાસ અપાયાની કરાઈ ફરિયાદઃ
જામનગર તા.૧૯ : જામનગરના સરૂ સેક્શન રોડ પર ગઈરાત્રે એક મોટરમાં જતા દંપતીને એક્ટિવા પર જતા બે શખ્સે બોલાચાલી કરી પતિને ગાળો ભાંડી મારી નાખવાની ધમકી આપી હતી. જ્યારે નગરના એક યુવતીને રાજકોટમાં રહેતા સાસરિયાએ દહેજ માંગી મારકૂટ કરી પજવ્યાની પોલીસમાં ફરિયાદ થઈ છે.
જામનગરના સમર્પણ સર્કલ નજીક આવેલા મયુર પાર્કમાં રહેતા પ્રદીપભાઈ પીઠાભાઈ ડાંગર તથા તેમના પત્ની ગઈ રાત્રે એકાદ વાગ્યે સરૂ સેક્શન રોડ પરથી જીજે-૩૭-એમ ૨૦૮૫ નંબરની મોટરમાં જતા હતા ત્યારે આગળ દોડી જતા એક્ટિવા પાછળ પ્રદીપભાઈએ હોર્ન વગાડી સાઈડ માંગી હતી.
આ વેળાએ એક્ટિવાચાલકે સાઈડ ન આપતા બીજી વખત હોર્ન વગાડવામાં આવ્યું હતું. જીજે-૧૦-ડીપી ૭ નંબરનું એક્ટિવા સાઈડમાં થયંુ હતું. તેને ઓવરટેક કરતી વખતે બાઈક ચાલકે હાથ ઉંચો કરતા પ્રદીપ ભાઈના પત્નીએ કાચ ઉતારીને શું થયું તેમ પૂછતા એક્ટિવાના ચાલક તથા તેની સાથે રહેલા શખ્સે બોલાચાલી કર્યા પછી પ્રદીપભાઈને ગાળો ભાંડી જાનથી મારી નાખવાની ધમકી આપી હતી. સિટી બી ડિવિઝનમાં પ્રદીપભાઈએ ફરિયાદ નોંધાવી છે.
જામનગરના સાંઢીયા પુલ નજીક સરદારનગરમાં રહેતા મીનાક્ષીબેન પરસોત્તમ પરમારના લગ્ન વર્ષ ૨૦૧૯માં રાજકોટના બેડી રોડ પર રહેતા નરેન્દ્ર ડાયાભાઈ સોલંકી સાથે થયા પછી એકાદ વર્ષ સુધી સારી રીતે રાખ્યા પછી પતિ તેમજ સાસુ હંસાબેન, જેઠ મેહુલ, નણંદ ચેતનાબેન કપિલભાઈ રાઠોડે તેણીને ત્રાસ આપવાનું શરૂ કરી મારકૂટ કરવા ઉપરાંત દહેજની માગણી કરતા પિયર પરત ફરેલા મીનાક્ષીબેને ગઈકાલે મહિલા પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
