સનાતનનો શંખનાદ કાર્યક્રમમાં પત્રકાર જગત રાવલને દુર્ગાધામ એવોર્ડ એનાયત

Author: નોબત સમાચાર

સનાતનનો શંખનાદ કાર્યક્રમમાં પત્રકાર જગત રાવલને દુર્ગાધામ એવોર્ડ એનાયત

સંતો, મહંતો, આગેવાનો, મીડિયા જગતના દિગ્ગજો તથા ૨૦,૦૦૦ ભૂદેવોની ઉપસ્થિતિમાં યોજાયેલા

જામનગર તા. ૧૯: અમદાવાદના બાવળા નજીક દુર્ગા ધામમાં સનાતનનો શંખનાદ કાર્યક્રમમાં પત્રકાર જગત રાવલને સન્માનિત કરાયા હતાં. ૨૦,૦૦૦ બ્રાહ્મણોની ઉપસ્થિતિમાં ત્રણ દાયકાથી પત્રકારત્વ ક્ષેત્રે કાર્યરત જગત રાવલને દુર્ગા ધામ એવોર્ડ એનાયત કરાયો હતો. આ કાર્યક્રમમાં સંતો-મહંતો અને રાજકીય આગેવાનો મીડિયા જગતના દિગ્ગજો ઉપસ્થિત હતાં.

અમદાવાદના બાવળા નજીક દુર્ગાધામમાં સનાતનનો શંખનાદ કાર્યક્રમનું ભવ્ય આયોજન કરવામાં આવ્યું હતું, જેમાં ૨૦,૦૦૦ થી વધુ બ્રાહ્મણોની હાજરીમાં સામાજિક એકતા, સાંસ્કૃતિક વિરાસત અને ધાર્મિક મૂલ્યોનો પરિચય કરાવવામાં આવ્યો હતો.

આ પ્રસંગે સમાજમાં ચોથી જાગીરનું બિરુદ પ્રાપ્ત કરનાર મીડિયાકર્મીઓને સન્માનિત કરવાના કાર્યક્રમમાં જામનગરના સિનિયર પત્રકાર જગત રાવલનું વિશિષ્ટ સન્માન કરવામાં આવ્યું હતું. દુર્ગાધામમાં યોજાયેલા આ કાર્યક્રમમાં સંતો મહંતો, રાજકીય આગેવાનો અલગ અલગ ૩૬ જ્ઞાતિના આગેવાનો તેમજ બ્રહ્મ સમાજના ગણ માન્ય વ્યક્તિઓ ઉપસ્થિત રહૃાા હતા, આ ઉપરાંત રાજ્ય અને રાજ્ય બહારથી અંદાજે ૨૦,૦૦૦ થી વધુ બ્રહ્મ સમાજના ભાઈ બહેનોએ હાજરી આપી હતી.

આ આગેવાનોની ઉપસ્થિતિમાં જામનગરમાં ૩૦ વર્ષથી મીડિયા ક્ષેત્રે કાર્યરત સિનિયર પત્રકાર જગત રાવલને ઇલેક્ટ્રોનિક મીડિયા ક્ષેત્રે શ્રેષ્ઠ રિપોર્ટિંગ માટે દુર્ગાધામ એવોર્ડ એનાયત કરવામાં આવ્યો હતો. મીડિયા ક્ષેત્રનો વિશિષ્ટ દુર્ગા ધામ એવોર્ડ મેળવ્યા બાદ પત્રકાર જગત રાવલે તેમની પ્રતિક્રિયામાં જણાવ્યું હતું કે પત્રકારે ક્યારેય પણ પક્ષકારના બનવું જોઈએ તેમનું કાર્ય સમાજમાં બનેલી ઘટના અને તેના કારણો લોકો સુધી મૂકવાનું છે આજે લોકોને તેમના પ્રશ્નો માટે અને તેમના કાર્યો લોકો સુધી પહોંચાડવામાં મીડિયાને શ્રેષ્ઠ માધ્યમ માનવામાં આવી રહૃાું છે ઇલેક્ટ્રોનિક મીડિયા પ્રિન્ટ મીડિયા અને સોશિયલ મીડિયાના પત્રકારો આ અંગે તેઓની મહત્તમ ફરજ બજાવી રહૃાા છે ત્વરિત અને સચોટ સાતત્ય પૂર્ણ સમાચારો એ પત્રકારનો ધર્મ છે, આજે મારી આ ૩૦ વર્ષની પત્રકારત્વની યાત્રાની નોંધ લેવા માટે દુર્ગા ધામ અને તેમના પ્રમુખ ભાવેશભાઈ રાજ્યગુરુ વિશ્વાસભાઈ શુક્લ તેમજ તમામ ટીમ મેમ્બરોને હું આભારી છું.

ઉલ્લેખનીય છે કે જામનગરને જ ત્રણ દાયકાથી કર્મભૂમિ બનાવનાર પત્રકાર જગત રાવલે પ્રેસ ફોટોગ્રાફર થી શરૂ કરેલી કારકિર્દી પછી આજે તેઓ અનેક સમાચાર ચેનલનું પ્રતિનિધિત્વ કરી રહૃાા છે અને તેમની પોતાની યુટયુબ ચેનલ અર્થાત ન્યૂઝના તેઓ એડિટર પણ છે.

જો આપને આ પોસ્ટ ગમી હોય તો શેર કરો...