રાજયવેરા નિરીક્ષકની પરીક્ષાના કેન્દ્રોના ૧૦૦ મીટરમાં ઝેરોક્ષ નકલો કાઢવા પર પ્રતિબંધ

Author: નોબત સમાચાર

રાજયવેરા નિરીક્ષકની પરીક્ષાના કેન્દ્રોના ૧૦૦ મીટરમાં ઝેરોક્ષ નકલો કાઢવા પર પ્રતિબંધ

જામનગરમાં તા. ૨૨ ડિસેમ્બરે યોજાનારી

જામનગર તા. ૧૨: આગામી તારીખ ૨૨ ડિસેમ્બરના યોજાનાર રાજ્ય વેરા નિરીક્ષકની પરીક્ષા કેન્દ્રોના ૧૦૦ મીટરના વિસ્તારમાં કોપિયર મશીન ધારકો માટે પ્રતિબંધાત્મક હુકમ જાહેર કરાયા છે.

આગામી તા. ૨૨-૧૨-૨૦૨૪, રવિવારના સમગ્ર ગુજરાતમાં રાજ્ય વેરા નિરીક્ષક વર્ગ-૩ની પરીક્ષા યોજાનાર છે. પરીક્ષા દરમિયાન તેજસ્વી વિદ્યાર્થીઓને નિયમોનુસાર પરીક્ષા આપવામાં અડચણ થવાની સંભાવના રહે છે.

પરીક્ષાઓ દરમિયાન પ્રશ્નપત્રો અને તૈયાર ઉત્તરોની કોપી ઝેરોક્ષ-કોપીયર મશીન દ્વારા મેળવીને અને પરીક્ષાખંડમાં મોબાઈલ ફોનથી પરીક્ષાર્થીઓને મદદ થતી હોવાથી તેજસ્વી વિદ્યાર્થીઓને અન્યાય થતો અટકાવવા માટે જામનગર જિલ્લાના નિયત કરાયેલા પરીશિષ્ટ મુજબના પરીક્ષા કેન્દ્રોની આજુબાજુના ૧૦૦ મીટર વિસ્તારની હદમાં આવેલા કોપીયર મશીન દ્વારા કોપીનો વ્યવસાય કરતા ધંધાર્થીઓ, અંગત વપરાશકર્તાઓએ તા. ૨૨-૧૨-૨૦૨૪ને રવિવારના સવારના ૧૦:૦૦ કલાકથી બપોરના ૨:૦૦ કલાક સુધી કોપીયર મશીનો દ્વારા પરીક્ષા વિષયક પત્રો, દસ્તાવેજી કાગળોની નકલો કાઢવા પર તેમજ પરીક્ષા કેન્દ્રોમાં કોઈપણ વ્યકિત મોબાઈલ ફોન, સ્માર્ટ, વોચ, અન્ય ઈલેકટ્રોનિક ઉપકરણો તેમજ અનધિકૃત સાહિત્ય સાથે પ્રવેશ કરવા પર અધિક જિલ્લા મેજિસ્ટ્રેટ બી.એન. ખેર દ્વારા બહાર પાડવામાં આવેલ જાહેરનામામાં પ્રતિબંધ ફરમાવવામાં આવ્યો છે.

આ હુકમનો ભંગ કરનાર ભારતીય ફોજદારી અધિનિયમ-૧૮૮ હેઠળ સજાને પાત્ર થશે. હુકમ સરકારી, અર્ધ સરકારી અને જાહેર સાહસો સિવાયના કોપીયર મશીન વપરાશકર્તાઓને લાગુ પડશે નહીં.

જો આપને આ પોસ્ટ ગમી હોય તો શેર કરો...