Advertisement
Author: નોબત સમાચાર

ખટીયા ગામના પાટીયા પાસે ગંજીપાના કૂટી રહેલા બે શખ્સને પકડી પાડતી પોલીસ

બે વર્લીબાજ તથા સિક્કો ઉછાળતા બે ઝડપાયાઃ

જામનગર તા.૧ : જામનગરના ધુંવાવમાંથી એક શખ્સ વર્લીનું બેટીંગ લેતો મળી આવ્યો છે. લાલપુરના ખટીયા પાટીયા પાસે તીનપત્તી રમતા બે શખ્સ ઝડપાયા છે. રિલાયન્સ મોલ પાસેથી ચલણી સિક્કો ઉછાળી જુગાર રમતા બે શખ્સની અટકાયત કરાઈ છે. જામજોધપુર શહેરમાંથી પણ વર્લીબાજ મળી આવ્યો છે.

લાલપુર તાલુકાના ખટીયા ગામના પાટીયા પાસે ગઈકાલે સાંજે જાહેરમાં ગંજીપાના વડે જુગાર રમતા મહેન્દ્રસિંહ ભરત સિંહ જાડેજા, દિલીપ કિશોર ભાઈ વાઘેલા નામના બે શખ્સને મેઘપર પોલીસ સ્ટેશનના સ્ટાફે પકડી પાડ્યા હતા.

જામનગર તાલુકાના ધુંવાવ પાસે હુસેની ચોકમાં ગઈકાલે સાંજે વર્લીનું બેટીંગ લેતા શબ્બીર અબ્બાસ રફાઈ નામના શખ્સને પોલીસે પકડી લઈ ગુન્હો નોંધ્યો છે.

જામજોધપુર શહેરમાંથી ગઈકાલે સવારે રવિ મનસુખભાઈ સોલંકી નામનો શખ્સ વર્લીના આંકડા લખતો ઝડપાઈ ગયો છે.

જામનગરના હોસ્પિટલ રોડ પર મોલવાળી ગલીમાં ગઈકાલે સાંજે ચલણી સિક્કો ઉછાળી જુગાર રમતા રતીલાલ વિરજીભાઈ ગોહિલ, મિતેશ માવજીભાઈ પરમાર નામના બે શખ્સને પકડી લઈ પોલીસે રૂ.ર૪૦ર કબજે કર્યા છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh