Advertisement
Author: નોબત સમાચાર

ખીજડા મંદિરમાં પૂ. કૃષ્ણમણિજી મહારાજના જન્મદિને રક્તદાન અને ફિઝિયોથેરાપી કેમ્પ

રાજનેતાઓ, અગ્રણીઓ, મોટી સંખ્યામાં અનુયાઈઓ ઉપસ્થિત

જામનગર તા. ૧: જામનગરમાં આવેલ કૃષ્ણ પ્રણામી આદ્યપીઠ શ્રી પ નવતનપુરી ધામ ખીજડા મંદિરના આચાર્ય કૃષ્ણમણિજી મહારાજના ૬૧ મા જન્મ દિવસની ઉજવણી કરવામાં આવી હતી. આ પ્રસંગે સવારથી બપોર સુધી વિવિધ કાર્યક્રમોનું આયોજન કરાયું હતું. સવારે ૯ વાગ્યાથી રક્તદાન કેમ્પનું આયોજન કરાયું હતું, જેમાં ૬૧ થી વધુ લોકોએ રક્તદાન કરી સૌરાષ્ટ્રની સૌથી મોટી જી.જી. હોસ્પિટલ સ્થિત બ્લડ બેંક માં આ એકત્ર થયેલુ લોહી જમા કરાવવામાં આવ્યું હતું. આ ઉપરાંત સવારે ૯ વાગ્યાથી ૧ર વાગ્યા દરમિયાન જરૂરિયાતમંદ લોકો માટે વિનામૂલ્યે ફિઝિયોથેરાપી કેમ્પનું આયોજન કરવામાં આવ્યું હતું. આ કેમ્પમાં જામનગરના અગ્રણી જાણીતા ફિઝિયોથેરાપિસ્ટ ડો. ચિરાગ બાબરિયા અને તેની ટીમે સેવા આપી હતી. ફિઝિયોથેરાપી કેમ્પ દરમિયાન અશક્ત અને વયોવૃદ્ધને અગ્રીમતા આપવામાં આવી હતી. પૂ. કૃષ્ણમણિજીના જન્મદિન નિમિત્તે જામનગરના ધારાસભ્યો રિવાબા જાડેજા, દિવ્યેશભાઈ અકબરી, મેયર વિનોદભાઈ ખીમસૂર્યા, શહેર ભાજપ અધ્યક્ષ ડો. વિમલભાઈ કગથરા, ડે. મેયર ક્રિષ્નાબેન સોઢા, સ્થાયી સમિતિના ચેરમેન નિલેશભાઈ કગથરા, અન્ય આગેવાનોએ ઉપસ્થિત રહી પૂ. કૃષ્ણમણિજીને જન્મ દિનની શુભેચ્છા પાઠવી આશીર્વાદ પ્રાપ્ત કર્યા હતાં.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh