Author: નોબત સમાચાર
જામનગરમાં થર્ટીફર્સ્ટ નાઈટની ઉલ્લાસભેર ઉજવણી સાથે નવા વર્ષના વધામણા
પાર્ટી પ્લોટ, હોટલો, રેસ્ટોરન્ટોમાં ડાન્સ અને ડીનર સાથે યુવાઓ હિલોળે ચડ્યું: આતશબાજી સાથે રાત્રે ૧ર વાગ્યે નવા વર્ષને વેલકમ
ઈસુ ખ્રિસ્તી નવા વર્ષ ર૦રપ ના આગમનને જામનગરની શોખીન જનતા અને યુવાવર્ગે ઉજળા ભાવિની આશાઓ સાથે ઉમંગભેર વધાવ્યું હતું. થર્ટીર્સ્ટ નાઈટ સંદર્ભમાં જામનગર આસપાસના રિસોર્ટ, પાર્ટી પ્લોટ, હોટલ, રેસ્ટોરન્ટોમાં ડાન્સ વીથ ડીનરની પાર્ટીઓનું આયોજન કરવામાં આવ્યું હતું. ડીજે તથા સાઉન્ડ સિસ્ટમના સથવારે રાત્રે ૯-૧૦ વાગ્યાથી જ સંગીતના અને ડાન્સના જલસા શરૂ થઈ ગયા હતાં. ખાસ કરીને યુવા વર્ગ આકર્ષક ડ્રેસમાં સજ્જ-ધજ્જ થઈને પાર્ટીમાં મન મૂકીને નાચ્યા હતાં. આકર્ષક સ્ટેજ, લાઈટીંગ, અવનવી વાનગીઓ સાથે ડીનરની મોજ સૌએ માણી હતી. બરાબર રાત્રે ૧ર ના ટકોરે ર૦ર૪ ના વર્ષને બાય બાય કરી નવા વર્ષ ર૦રપ ના આગમનને ચીચિયારીઓ સાથે સૌએ વધાવ્યું હતું. આ સાથે જ ફટાકડા ફોડી અને આતશબાજી કરી ઉજવણીને ભવ્ય અને રંગીન બનાવી દીધી હતી. સૌએ એકબીજાને 'હેપ્પી ન્યૂ યર'ની શુભેચ્છાઓ આપી હતી. મ્યુઝિક અને ડાન્સનો સીલસીલો મોડી રાત્રિ સુધી ચાલુ રહ્યો હતો. કડકડતી ઠંડી હોવા છતાં નવા વર્ષના આગમનને જામનગરની ઉત્સવ પ્રેમી જનતાએ હોંશભેર વધાવ્યું હતું, જો કે અગાઉના વરસોની સરખામણીમાં આ વરસે થર્ટીફર્સ્ટ નાઈટની પાર્ટીના આયોજનો ઓછા થયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
