Advertisement
Author: નોબત સમાચાર

જામનગર શહેર તથા જોગવડ ગામમાં દેશી દારૂની ભઠ્ઠી પકડવા પોલીસના દરોડા

મોરકંંડા ધાર પાસેથી પણ મળી આવી ભઠ્ઠીઃ

જામનગર તા.૧ : જામનગર શહેરના જુદા જુદા વિસ્તાર તેમજ જોગવડ અને મોરકંડા પાસે પોલીસે પાડેલા દરોડામાં દેશી દારૂ, આથો તથા ભઠ્ઠીના સાધનો મળી આવ્યા છે. ભઠ્ઠીના સંચાલક એવા મહિલાઓ સામે પણ પોલીસે ગુન્હો નોંધ્યો છે.

જામનગરના રણજીત સાગર રોડ પર આવેલા મારવાડીવાસમાં જમનાબેન પ્રેમજીભાઈ સોલંકી નામના મહિલાના મકાનમાં ગઈકાલે પોલીસે દરોડો પાડી દેશી દારૂ તથા આથો પકડી લીધો હતો.

દિગ્વિજય પ્લોટ-૪૯માં ચારણનેસમાં જેઠીબેન નવઘણ રાજાણી નામના મહિલાના ઝૂંપડામાંથી પણ દેશી દારૂ, આથો તથા ભઠ્ઠીના સાધનો ઝડપાયા હતા.

જાગૃતિનગર પાસે બાવરી વાસમાં નર્મદાબેન રાધે ડાભી નામના મહિલાના મકાનમાંથી આથો, ભઠ્ઠીના સાધનો, તૈયાર દારૂ કબજે કરાયા છે. ત્યાં જ આવેલા વર્ષાબેન શેરસિંગ વઢીયારના ઝૂંપડામાંથી આથો, દારૂ, ભઠ્ઠીના સાધનો મળી આવ્યા છે.

ખુલ્લા ફાટક નજીક બાવરી વાસમાં હંસાબેન ગોપાલભાઈ નામના મહિલાના મકાનમાંથી આથો, દારૂ, ભઠ્ઠીના સાધનો તેમજ ખીમલીયા ગામમાં કુંવરબેન ભીખાભાઈ ઘોડાના મકાનમાંથી પણ ભઠ્ઠીના સાધન તથા આથો ઝબ્બે લેવાયા છે.

જામનગર તાલુકાના સિક્કા સ્થિત ભગવતી સોસાયટીમાં પૂના ભીમાભાઈ ગઢવી નામના શખ્સને દેશી દારૂની ભઠ્ઠી સાથે પોલીસે પકડી લઈ ભઠ્ઠીના સાધન, આથો, તૈયાર દારૂ કબજે કર્યાે છે.

મોરકંડા ધાર પાસે બુધીબેન ભારમાભાઈ ઘોડા નામના મહિલાની ભઠ્ઠી પણ ઝડપાઈ ગઈ છે. દેશી દારૂ, આથો, સાધનો કબજે થયા છે.

રણજીતસાગર રોડ પર મારવાડીવાસમાં રામીબેન તુલસીભાઈ મકવાણાની ભઠ્ઠી પોલીસે કબજે કરી છે. દિ. પ્લોટ-૪૯માં ચારણનેસ સ્થિત જીવીબેન રામભાઈ સોરીયા તેમજ ખીમીબેન માલસુર સોરીયા નામના બે મહિલાના ઝૂંપડામાંથી પણ દારૂ, આથો, સાધનો કબજે થયા છે.

જોગવડમાં રાણીબેન ભોળાભાઈ ઘોડા નામના મહિલા દ્વારા સંચાલિત ભઠ્ઠી પર પોલીસે દરોડો પાડી આથો, દારૂ, ભઠ્ઠીના સાધનો કબજે કરાયા છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh