Author: નોબત સમાચાર
પી.સી. એન્ડ પી.એન.ડી.ટી. એકટની દ્વારકા જિલ્લા એડવાઈઝરી કમિટીની બેઠક
ગર્ભસ્થ શિશુના જાતિના પરીક્ષણ અટકાવવા
ખંભાળીયા તા. ૧: ગર્ભસ્થ શિશુના જાતિ પરીક્ષણ અટકાવવા અને સમાજમાં પુરૂષ અને સ્ત્રીનું પ્રમાણ સમતોલ જળવાઈ રહે તે હેતુથી સરકાર દ્વારા *પી.સી. એન્ડ પી.એન.ડી.ટી. એકટ, ૧૯૯૪* ઘડવામાં આવેલ છે. આ કાયદાનું દેવભૂમિ દ્વારકા જિલ્લામાં ક્ષતિરહિત અમલીકરણ થાય તે હેતુથી તા.૧૯-૧૨-ર૪ના પ્રતિષ્ઠીત સામાજિક કાર્યકર ડો.કાશ્મિરાબેન રાયઠઠ્ઠાના અધ્યક્ષસ્થાને જિલ્લા પંચાયત ભવન, ખંભાળિયામાં જિલ્લા એડવાઈઝરી કમિટીની મિટિંગ યોજાઈ હતી.
જેમાં હોસ્પિટલોના રજિસ્ટ્રેશન અને રીન્યુઅલ રજીસ્ટ્રેશન, સોનોગ્રાફી મશીનના રજિસ્ટ્રેશન અને તબીબોને સોનોગ્રાફી મશીનના ઉપયોગ કરવા માટે મળેલ અરજીઓ બાબતે ચર્ચા કરવામાં આવેલ હતી તેમજ આરોગ્ય વિભાગના અધિકારીઓ દ્વારા સોનોગ્રાફી સેન્ટરોની સ્થળ તપાસણી અંગે રજુ કરેલ અહેવાલો વંચાણે લઈ સોનોગ્રાફી સેન્ટરમાં એકટના અમલીકરણ તેમજ જિલ્લાના જાતિ પ્રમાણદર બાબતે સમિક્ષા કરવામાં આવી હતી. વધુમાં સૂચના અનુસાર લીવર સબંધિત રોગોના નિદાન માટે ઉપયોગમાં લેવાતા અલ્ટ્રા સાઉન્ડ ડાયગનોસ્ટીક મશીન આ એકટ હેઠળ નોંધણી કરવા અંગે ચર્ચા કરવામાં આવી હતી.
આ બેઠકમાં જિલ્લા એડવાઈઝરી સમિતિના સભ્યો તેમજ જનરલ હોસ્પિટલ-ખંભાળીયાના તબીબી અધિકારીઓ ઉપસ્થિત રહૃાાં હતા.
ઉલ્લેખનીય છે કે, દેવભૂમિ દ્વારકાની હદમાં આવેલ સરકારી તેમજ પ્રાઈવેટ હોસ્પિટલો / ક્લિનિકોના સંચાલકો / ડોકટરોઓને તેમની સંસ્થામાં ઉપલબ્ધ લીવર સંબંધિત રોગોના નિદાન માટે ઉપયોગમાં લેવાતા અલ્ટ્રાસાઉન્ડ ડાયગનોસ્ટીક મશીન તાત્કાલિક પી.સી. એન્ડ પી.એન.ડી.ટી. એકટ હેઠળ નોંધણી કરાવવા જિલ્લા દેવભૂમિ દ્વારકાના જિલ્લા એપ્રોપ્રિએટ ઓથોરીટી અને મુખ્ય જિલ્લા આરોગ્ય અધિકારી ડો. સી.બી. ચોબીસા દ્વારા જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
