Author: નોબત સમાચાર
જામનગરના અંધજન વિવિધલક્ષી તાલીમ કેન્દ્રના મેનેજીંગ ટ્રસ્ટી પ્રજ્ઞાચક્ષુ ડૉૅ. પ્રકાશ મંકોડીનું સન્માન
૭૫ વર્ષની સફળ જીવનયાત્રાઃ અમૃત મહોત્સવની ઉજવણી
જામનગર તા. ૧: શ્રી અંધજન વિવિધલક્ષી તાલીમ કેન્દ્રના મેનેજીંગ ટ્રસ્ટી અને વી.ડી. પારેખ અંધ મહિલા વિકાસ ગૃહ-રાજકોટના મંત્રી પ્રજ્ઞાચક્ષુ ડૉ. પ્રકાશ મંકોડીની ૭૫ વર્ષની સફળ જીવનયાત્રા દરમિયાન નેત્રહિનો તથા અન્ય દિવ્યાંગજનોના શિક્ષણ, ઔદ્યોગિક તાલીમ, આર્થિક પુનઃ સ્થાપન તથા સર્વ સામાન્ય સામાજિક ઉત્કર્ષના ક્ષેત્રમાં બજાવેલી સેવાઓને બિરદાવવાના ઉદ્ેશથી રાજકોટના અંધજન કલ્યાણ મંડળ, નેશનલ એસોસિએશન ફોર ધ બ્લાઈન્ડ-રાજકોટ જિલ્લા શાખા અને ગુજરાત રાજય શાખાના સંયુકત ઉપક્રમે રાજકોટમાં યોજાયેલા એક કાર્યક્રમમાં રાજકોટ શહેર ભાજપ પ્રમુખ મુકેશભાઈ દોશીના હસ્તે સન્માનપત્ર, સાલ અને સ્મૃતિ ચિહન અર્પણ કરીને અમૃત મહોત્સવની ઉજવણી નિમિત્તે તેમનું બહુમાન કરવામાં આવ્યું હતું.
આ પ્રસંગે આયોજક સંસ્થાના માનદ મંત્રી અને પીઢ સામાજિક કાર્યકર પ્રજ્ઞાચક્ષુ જી.જે. વાછાણી, સંસ્થાના ભૂતપૂર્વ પ્રમુખ અને વયોવૃદ્ધ કાર્યકર જયંતભાઈ દેસાઈ, ભાજપ મહામંત્રી વિરેન્દ્રસિંહ ઝાલા, ભાજપ મંત્રી ડો. વિજય ટોળીયા, રાજકોટ મહાનગરપાલિકાના ભૂતપૂર્વ મેયર ડૉ. ભાવનાબેન જોષીપુરા, નેશનલ એસોસિએશન ફોર ધ બ્લાઈન્ડ (ઈન્ડિયા)ના સ્વર્ગસ્થ મંત્રી પ્રવિણભાઈ દાંડીયાના સુપુત્રીઓ હેતલ તથા મીતાલી સહિત ગુજરાત રાજયના સંખ્યાબંધ પ્રજ્ઞાચક્ષુઓ હાજર રહ્યા હતાં. તેમ સંસ્થાએ જણાવેલ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
