Author: નોબત સમાચાર
કલ્યાણપુરમાં સરકારી જમીનમાં ચાર શખ્સે દબાણ કરી ખડક્યા મકાન!
પંચાવન વર્ષ પહેલાં દબાણ કર્યાની ફરિયાદઃ
જામનગર તા.૧ : દ્વારકાના કલ્યાણપુર ગામમાં આવેલી એક સરકારી જમીન ચાર શખ્સે પંચાવનેક વર્ષ પહેલાં પચાવી પાડી તેમાં ખેતીકામ કરી રહેણાંકના મકાન પણ બનાવી લીધાની મામલતદાર દ્વારા પોલીસમાં ફરિયાદ કરાઈ છે.
કલ્યાણપુરના રે.સ.નં. ૧૪૨૯માં આવેલી સરકારી જમીન પર કેટલાક શખ્સોએ દબાણ સર્જી તે જમીનનો ઉપયોગ શરૂ કર્યાની વિગતો તંત્ર સુધી પહોંચી હતી.
ત્યારપછી મામલતદાર આર.એચ. સુવાએ તે બાબતની તપાસ શરૂ કરતા પંચાવનેક વર્ષ પહેલાં કલ્યાણપુરના રણમલ જીવા ભાઈ કણઝારીયા, જીવાભાઈ કણઝારીયા, રણમલ મુળજીભાઈ કણઝારીયા સહિત ચાર શખ્સે તે જમીનમાં દબાણ કરી તેને ખેડવાનું અને તે જમીનમાં મકાન પણ બનાવી લીધાનું ખૂલ્યું હતું.
આ જગ્યાનો અંદાજે એક વીઘાનો રૂ.પ લાખ ભાવ ગણાઈ રહ્યો છે ત્યારે તે સરકારી જમીનમાં દબાણ કરવા અંગે ચારેય શખ્સ સામે મામલતદારે કલ્યાણપુર પોલીસ મથકમાં ફરિયાદ નોંધાવી છે. પોલીસે લેન્ડ ગ્રેબિંગ એક્ટ હેઠળ ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
