Author: નોબત સમાચાર
જામનગર જિલ્લામાંથી ખનિજ ચોરી અંગે પાંચ વાહનો-સાધનો કબજે
સરમત અને પડણા વિસ્તારમાંથી
મનગરની ભૂસ્તર શાસ્ત્રી કચેરી દ્વારા ગઈકાલે સરમત અને પડાણા નજીક તપાસ કરવામાં આવી હતી અને ખનિજ ખનન અને વહન કરતા આશરે એક કરોડની કિંમતના પાંચ વાહનો-સાધનો કબજે કર્યા હતાં. ગઈકાલે જામનગરની ભૂસ્તર શાસ્ત્રી કચેરીના સ્ટાફે બાતમીના આધારે જામનગર તાલુકાના સરમત ગામની સીમમાં દરોડો પાડ્યો હતો. આ સમયે હાર્ડ મોરમ/બ્લેક સ્ટ્રીપનું ગેરકાયદે ખનન થતું હોવાનું જોવા મળ્યું હતું. આથી ખનિજ ચોરી સ્થળેથી એક એસ્કેવેટ (માલિક યાસીનભાઈ), એક ટ્રેક્ટર (માલિક રજાકભાઈ) અને અન્ય એક ટ્રેક્ટર સીઝ કર્યા હતાં. આ ઉપરાંત લાલપુર તાલુકાના પડાણા પાટિયા પાસેથી પસાર થતા બે ડમ્પર (ક્રિષ્ના લોજિસ્ટિક) તેમજ કિશનભાઈ દેવશીભાઈ ઓડીચની માલિકીનું અન્ય એક ડમ્પર બ્લેક સ્ટ્રીપ ખનિજનું વહન કરતા બે ડમ્પરો પણ કબજે લીધા હતાં. આથી કુલ બે દરોડામાં એક કરોડથી વધુ કિંમતના સાધનો, વાહનો કબજે કર્યા હતાં અને દંડનીય વસૂલાત અંગે કાર્યવાહી કરવામાં આવી છે. આ કામગીરી કચેરીના ભાવેશભાઈ, નૈતિકભાઈ, રજનીકાંતભાઈ, નિખિલભાઈ, રમેશભાઈ અને આનંદભાઈએ કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
