Author: નોબત સમાચાર
જામજોધપુરના કરશનપરના પાટીયા પાસેથી દારૂ-બીયરના જથ્થા સાથે એક શખ્સ ઝબ્બે
અલીયા ગામમાં મકાનમાંથી ચાર ચપલા ઝડપાયાઃ
જામનગર તા. ૩૦: જામજોધપુરના કરશનપર ગામના પાટીયા પાસેથી ગઈકાલે સાંજે મોટી ગોપ ગામનો એક શખ્સ ઈંગ્લીશ દારૂના ૧૫ ચપલા અને બીયરના ૧૧ ટીન સાથે ઝડપાઈ ગયો છે. જ્યારે અલીયા ગામમાં એક શખ્સના મકાનમાંથી પોલીસે ઈંગ્લીશ દારૂના ચાર ચપલા કબજે કર્યા છે. દરોડા પહેલાં આરોપી નાસી ગયો હતો.
જામજોધપુર તાલુકાના કરશનપર ગામના પાટીયા પાસે ગઈકાલે સાંજે પોલીસ દ્વારા કરવામાં આવી રહેલા પેટ્રોલિંગમાં જામજોધપુરના મોટી ગોપ ગામનો ભરત ભીમશીભાઈ પાથર નામનો શખ્સ પસાર થયો હતો. તેને રોકી પોલીસે તલાશી લીધી હતી.
આ શખ્સના કબજામાંથી ભારતીય બનાવટના અંગ્રેજી શરાબના ૧૫ ચપલા તથા કીંગફીશર બ્રાંડના બીયરના ૧૧ ટીન મળી આવ્યા હતા. પોલીસે રૂ।.૫૯૫૦નો દારૂનો જથ્થો કબજે કરી ભરત પાથરની ધરપકડ કરી છે.
જામનગર તાલુકાના અલીયા ગામમાં હબીબનગરમાં આવેલા ઉત્તમ વિમલભાઈ તન્ના નામના શખ્સના મકાનમાં ગઈકાલે સાંજે પંચકોશી એ ડિવિઝન પોલીસ સ્ટેશનના સ્ટાફે દરોડો પાડી ઈંગ્લીશ દારૂના ચાર ચપલા કબજે કર્યા છે. દરોડા પહેલાં ઉત્તમ તન્ના નાસી ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
