જામખંભાળિયામાં પીજીવીસીએલ દ્વારા એક હજારથી વધુ કનેકશનોમાં સ્માર્ટ મીટર નોંધાયા

Author: નોબત સમાચાર

જામખંભાળિયામાં પીજીવીસીએલ દ્વારા એક હજારથી વધુ કનેકશનોમાં સ્માર્ટ મીટર નોંધાયા

અન્યત્ર વિરોધ, પરંતુ જામખંભાળિયામાં સારો પ્રતિસાદ

ખંભાળિયા તા. ૩૦: અન્ય શહેરોમાં પી.જી.વી.સી.એલ.ના સ્માર્ટ મીટરમાં રોજ ડખ્ખા થતા હોય છે, પરંતુ ખંભાળિયા શહેરમાં એકાદ હજાર મીટરો નંખાયા કોઈ ફરિયાદ નોંધાઈ નથી અને સારો પ્રતિસાદ મળી રહ્યો છે.

સમગ્ર ગુજરાતમાં વીજતંત્ર દ્વારા નખાતા સ્માર્ટ મીટરનો ઉગ્ર વિરોધ, ખોટા બીલ, ઉંચા બીલો આવતા હોવાના વીડીયો સોશ્યલ મીડિયામાં વ્યાપક થયા છે. ત્યારે ખંભાળિયા શહેરમાં આનાથી વિરૂદ્ધ સ્માર્ટ મીટરમાં ખૂબ સારો પ્રતિસાદ તથા કોઈ ફરિયાદ વગરની કામગીરી પ્રશંસનીય બની છે.

જામનગર સુપ્રી. ઈજનેર પી.જી.વી.સી.એલ. હષિત વ્યાસ તથા ખંભાળિયા કાર્યપાલક ઈજનેર ગોઝીયાના માર્ગદર્શનમાં શહેર વિભાગના ડેપ્યુટી ઈજનેર રોનક પટેલ તથા તેમની ટીમ દ્વારા શહેરમાં પ્રથમ સરકારી કચેરીઓમાં સ્માર્ટ મીટર નાખવાના શરૂ થયા તે પછી કોમર્શિયલમાં વેપારીઓના કારખાના, દુકાનો, ફેકટરીઓમાં નખાયા છે અત્યાર સુધીમાં એકાદ હજારથી વધુ જોડાણોમાં સ્માર્ટ મીટર નખાયા છે પણ તેમાં કયાંય ફરિયાદ કે વધુ બીલ ખોટા બીલની ફરિયાદ નથી. હાલ ઘર વપરાશમાં સ્માર્ટ મીટર ચાલુ નથી થયા પણ આ બન્ને વિભાગમાં સ્થાનિક વીજતંત્રની કામગીરી કોઈ ફરિયાદ વગરની રહી છે.

સ્માર્ટ મીટર આવતા ડીઝીટલ મીટરોની ખરીદી તંત્રએ બંધ કરતા ઘર વપરાશના નવા કનેકશનોમાં ડીઝીટલ મીટરની તંગી ઉભી થઈ છે. જો કે સ્માર્ટ મીટરમાં કયાંય પણ સૂચન આવે તો તંત્ર દ્વારા તુરત તેના પર ધ્યાન અપાય છે.

જો આપને આ પોસ્ટ ગમી હોય તો શેર કરો...