Author: નોબત સમાચાર
કાલાવડના ટોડાની મીની ઓઈલ મીલના સંચાલકનો વીજચોરીના કેસમાં છૂટકારો
પોણા ત્રણ વર્ષ પહેલાં પોણા ત્રેવીસ લાખનું અપાયું'તું બીલઃ
જામનગર તા.પ : કાલાવડના ટોડા ગામમાં પોણા ત્રણ વર્ષ પહેલાં એક મીની ઓઈલ મીલમાં વીજ કંપની દ્વારા ચકાસણી કરાયા પછી બાજુમાં આવેલા થાંભલા પરથી લંગર નાખી વીજચોરી કરાતી હોવાનો આક્ષેપ મૂકાયો હતો અને મીલ સંચાલકને રૂપિયા પોણા ત્રેવીસ લાખનું પુરવણી બીલ આપી ફોજદારી ફરિયાદ કરાઈ હતી. તે કેસ ચાલી જતાં અદાલતે ઓઈલ મીલના સંચાલકનો છૂટકારો કર્યાે છે.
કાલાવડના ટોડા ગામમાં આવેલી મીની ઓઈલ મીલમાં ગઈ તા.૧૨-૨-૨૨ના દિને વીજ કંપનીના અધિકારીઓએ પોલીસને સાથે રાખી કરેલી ચકાસણીમાં તે ઓઈલ મીલમાં બાજુમાં આવેલા વીજ થાંભલા પરથી લંગર નાખી વીજળી મેળવી તેનો વપરાશ કરાતો હોવાનું જણાઈ આવ્યું હતું. તે બાબતની વીડિયોગ્રાફી કરી ઓઈલ મીલના સંચાલક સતુભા મલુજી જાડેજા સામે વીજચોરીનો આક્ષેપ મુકાયો હતો અને રૂ.૨ર,૭૯,૭૬૮નું પુરવણી બીલ આપવામાં આવ્યું હતું. તેમજ પોલીસમાં ફરિયાદ કરાઈ હતી.
ઉપરોક્ત કેસ જામનગરની સેશન્સ કોર્ટમાં કમિટ થયા પછી વીજ કંપની દ્વારા ઓઈલ મીલમાં ઉતારવામાં આવેલ વીડિયો સહિતના પુરાવા રજૂ કરવામાં આવ્યા હતા. તેની સામે બચાવપક્ષે દલીલ કરી હતી કે, ચેકીંગ કાર્યવાહી કરનાર અધિકારીઓએ મુદ્દામાલ કબજે કરવાની કાયદેસર કાર્યવાહી કરી નથી, મુદ્દામાલ રજૂ કરાયો નથી, ચેકીંગમાં જનાર અધિકારીઓ ચેકીંગ કામગીરી માટે સક્ષમ નથી, વીડિયોગ્રાફી કરનાર પણ ચેકીંગની પેનડ્રાઈવ આપી હોવાનું જણાવે છે.
અદાલતે બંને પક્ષની દલીલો સાંભળ્યા પછી ઓઈલ મીલ સંચાલક સતુભા મલુજી જાડેજાનો છૂટકારો ફરમાવ્યો છે ઓઈલ મીલ સંચાલક તરફથી વકીલ ચિરાગ નથવાણી, ધર્મેશ રાઠોડ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
