વાયુનગર-ખારા બેરાજા માર્ગ ભૂગર્ભ ગટરની કામગીરી અન્વયે વાહન વ્યવહાર માટે બે માસ બંધઃ વૈકલ્પિક વ્યવસ્થા કરાઈ

Author: નોબત સમાચાર

વાયુનગર-ખારા બેરાજા માર્ગ ભૂગર્ભ ગટરની કામગીરી અન્વયે વાહન વ્યવહાર માટે બે માસ બંધઃ વૈકલ્પિક વ્યવસ્થા કરાઈ

જામનગર મનપાનું જાહેરનામુઃ જાડાની નોટીસ

જામનગર તા. ૫: જામનગરના એરફોર્સ-૧ ગેટથી ઢીચડા ગામ તરફના રસ્તામાં વાયુનગર વાળા રોડ પરના જંકશનથી ખારા બેરાજાના જંકશન સુધી ભૂગર્ભ ગટર માટેની કામગીરી કરવામાં આવનાર હોવાથી આ માર્ગ બે માસ સુધી વાહન વ્યવહાર માટે બંધ કરવામાં આવનાર છે. જે અંગે મહાનગરપાલિકાના કમિશનર દ્વારા જાહેરનામું પ્રસિદ્ધ કરવામાં આવ્યું છે. આ માટે વૈકલ્પિક વ્યવસ્થા કરવામાં આવી છે.

જામનગર મહાનગર-પાલિકા કમિશનર તથા જાડાના ચેરમેન દ્વારા જાહેર નોટીસ પ્રસિદ્ધ કરવામાં આવી છે કે જામનગર વિસ્તાર વિકાસ સત્તા મંડળ ની હદ માં એરફોર્સ ૧ ગેટથી ઢીચડા ગામ તરફ જતાં રસ્તામાં વાયુનગર વાળા રોડના જંકશનથી ખારા બેરાજાના જંક્શન સુધી ભૂગર્ભ ગટર પાઈપ લાઈન નાખવાની કામગીરી અનુસંધાને સલામતીના ભાગરૂપે તેમજ અકસ્માત નિવારવાના હેતુ થી તા.૦૭/૦૨/૨૦૨૫ થી તા.૦૬/૦૪/૨૦૨૫ સુધી તમામ વાહન વ્યવહાર બંધ રાખવામા આવનાર છે. જે અંગે આ જાહેર નોટીસ બહાર પાડવામાં આવે છે.

જેનો અમલ કરવા નો આથી હુકમ ફરમાવાયો છે. જે કોઈ વ્યક્તિ આ હુકમનો ભંગ કરશે તેની સામે બી.પી.એમ.સી. એક્ટ ની કલમ અનુસાર દંડની કાર્યવાહી કરવામાં આવશે.

એરફોર્સ ૧ ગેટથી ઢીચડા ગામ તરફ જતા રસ્તા માં વાયુનગર વાળા રોડ ના જંકશન થી ખારા બેરાજા ના જંક્શન સુધી જવા નો રસ્તો બંધ રહેશે. જેની વૈકલ્પિક વ્યવસ્થા માટે એરફોર્સ-૧ ગેટથી ઢીચડા ગામ તરફ જતા રસ્તામાં વાયુનગર વાળા રોડના જંકશન થી વાયુનગર થઇ સ્વામિ-નારાયણધામ સોસા. થઇ જાડાના ૧૮ મીટર ડી.પી.રોડ પર આવેલ દરગાહ થઈ બેડી બંદર રીંગ રોડ તરફ જવાનો રોડ તથા તેને સંલગ્ન અન્ય રસ્તાઓ પર વાહન વ્યવહાર માટે ચાલુ રહેશે.

ખારા બેરાજાના જંક્શન થી ઢીચડા ગામ તરફ જતા રસ્તામાં ખારા બેરાજાના જંક્શન થી વાયુનગર વાળા રોડના જંકશન સુધી જવાનો રસ્તો બંધ રહેશે. જેની વૈકલ્પિક વ્યવસ્થા માટે ખારા બેરાજા જંકશન થઇ શાહમુરાદશાહ દરગાહ થઇ ઢીચડા ગામના રસ્તા પર ૬૬ કે.વી. સબ સ્ટેશન થઇ બેડી બંદર રીંગ રોડ તરફ જવાનો રોડ તથા તેને સંલગ્ન અન્ય રસ્તાઓ પર વાહન વ્યવહાર માટે ચાલુ રહેશે.

જો આપને આ પોસ્ટ ગમી હોય તો શેર કરો...