કચેરીમાં ચેટ જીપીટી અને ડીપસીકનો ઉપયોગ નહીં કરવા સરકારી કર્મચારીઓને ચેતવણી

Author: નોબત સમાચાર

કચેરીમાં ચેટ જીપીટી અને ડીપસીકનો ઉપયોગ નહીં કરવા સરકારી કર્મચારીઓને ચેતવણી

ભારત સરકારે જાહેર કર્યો પરિપત્રઃ

નવી દિલ્હી તા. પઃ ભારત સરકારે સરકારી કર્મચારીઓને એ૧ એપ્સ અને પ્લેટફોર્મને લઈને એક જરૂરી સર્કુલર જારી કર્યું અને ચેટ જીપીટી-ડીપસીકનો કચેરીમાં ઉપયોગ નહીં કરવાની ચેતવણી આપી છે.

ભારત સરકારે સરકારી કર્મચારીઓને એ૧ એપ્સ અને પ્લેટફોર્મને લઈને એક જરૂરી સર્કુલર જારી કર્યું છે. નાણા મંત્રાલય દ્વારા જારી કરવામાં આવેલા આદેશમાં કર્મચારીઓને કહેવામાં આવ્યું છે કે, કેટલાક ઓફિસના કમ્પ્યુટર અને લેપટોપમાં ચીટ જીપીટી અને ડીપસીક જેવા એ૧ એપ્સનો ઉપયોગ કરી રહ્યા છે. જે ભારત સરકારના ગોપનીય દસ્તાવેજો અને ડેટા માટે જોખમી સાબિત થઈ શકે છે.

જણાવી દઈએ કે ભારતમાં અનેક એ૧ એપ્સનો ઉપયોગ કરવામાં આવે છે. જેમાં ચેટ જીપીટી, ડીપસીક અને ગૂગલ જેમીની જેવા મુખ્ય એપ્સ છે. ભારતમાં અનેક લોકો તેનો ઉપયોગ કામને સરળ બનાવવા માટે કરે છે. આ દરમિયાન એ૧ એપ્સ કેટલીક જરૂરી પરમિશનને એક્સેસ કરે છે. જેમાં ડેટા અને ફાઈલનું પણ એક્સેસ હોઈ શકે છે.

એ૧ એપ્સને લઈને જારી કરવામાં આવેલા સર્કુલરમાં કહેવામાં આવ્યું છે કે, એ૧ એપ્સ અને ટુલ્સને સરકારી કમ્પ્યુટર, લેપટોપ અને ડિવાઈસમાં ઉપયોગ કરવાનું ટાળવું જોઈએ.

જો આપને આ પોસ્ટ ગમી હોય તો શેર કરો...