જામનગરની ખ્યાતનામ 'મેઘધારા આયુર્વેદ હોસ્પિટલ' ગુજરાતની શ્રેષ્ઠ આયુર્વેદ હોસ્પિટલ

Author: નોબત સમાચાર

જામનગરની ખ્યાતનામ 'મેઘધારા આયુર્વેદ હોસ્પિટલ' ગુજરાતની શ્રેષ્ઠ આયુર્વેદ હોસ્પિટલ

અમદાવાદમાં વંદે આયુકોન ૨.૦ દરમ્યાન સન્માનઃ

જામનગર તા. ૨૦: ગુજરાત આયુર્વેદિક અને યુનાની સિસ્ટમ ઑફ મેડિસિન બોર્ડ દ્વારા અમદાવાદમાં તા.૧૬/૦૩/૨૦૨૫ના આયોજિત વંદે આયુકોન ૨.૦ દરમિયાન મેઘધારા આયુર્વેદ હોસ્પિટલને ગુજરાતની શ્રેષ્ઠ આયુર્વેદ હોસ્પિટલ તરીકે સન્માનિત કરવામાં આવી હતી.

આ વિશેષ પ્રસંગે શ્રી ઋષિકેશ પટેલ (મંત્રી, આરોગ્ય અને કુટુંબ કલ્યાણ, ઉચ્ચ અને ટેકનિકલ શિક્ષણ, કાયદા અને ન્યાય, ગુજરાત સરકાર) અને પદ્મશ્રી વૈદ્ય રાજેશ કોટેચા (સચિવ, આયુષ મંત્રાલય, ભારત સરકાર)ની વિશેષ ઉપસ્થિતિ રહી હતી.

મેઘધારા આયુર્વેદ હોસ્પિટલ છેલ્લા ૧૬ વર્ષથી આરોગ્ય સેવા માટે અવિરત કાર્ય કરી રહી છે, જ્યાં વૈદ્ય મેહુલ બારાઈ અને વૈદ્ય ધારા બારાઈ સંપૂર્ણ સમર્પણ સાથે દર્દીઓની આરોગ્ય સેવામાં જોડાયેલા છે. આયુર્વેદની પ્રાચીન પરંપરાને આધુનિક વૈજ્ઞાનિક દૃષ્ટિકોણ સાથે જોડીને તેઓ વિશ્વના ૨૦ કરતાં વધુ દેશોના દર્દીઓ માટે પંચકર્મ અને આયુર્વેદિક સારવાર પ્રદાન કરી રહૃાા છે.

જામનગર માટે આ ગૌરવપૂર્ણ ક્ષણ છે, જામનગર - જે વિશ્વભરમાં *આયુર્વેદની નગરી* તરીકે પ્રખ્યાત છે, ત્યાં સ્થિત મેઘધારા આયુર્વેદ હોસ્પિટલ પણ આયુર્વેદના ગૌરવને આગળ વધારવા નિષ્ઠાપૂર્વક કાર્યરત છે.

જો આપને આ પોસ્ટ ગમી હોય તો શેર કરો...