Author: નોબત સમાચાર
શાંતિપૂર્ણ માહોલમાં પરીક્ષાઓ પૂર્ણ થાય તે માટે સુચારૂ આયોજન હાથ ધરવા અધિકારીઓને સૂચન
તા. ર૩ માર્ચના યોજાનાર ગુજકેટ પરીક્ષા સંદર્ભે બેઠકઃ
જામનગર તા. ર૦: આગામી તા. ર૩ માર્ચના જામનગર જિલ્લા સહિત સમગ્ર રાજ્યમાં ગુજકેટની પરીક્ષા યોજાનાર છે. આ પરીક્ષાના સુચારૂ આયોજન માટે જામનગર જિલ્લા કલેક્ટર કેતન ઠક્કરના અધ્યક્ષસ્થાને કલેક્ટર કચેરીના સભાખંડમાં બેઠકનું આયોજન કરવામાં આવ્યું હતું.
બેઠકમાં કલેક્ટરે કાયદો અને સુરક્ષા વ્યવસ્થા સુનિશ્ચિત થાય તથા શાંતિપૂર્ણ માહોલમાં પરીક્ષા યોજવામાં આવે તે પ્રકારે આયોજન હાથ ધરવા અધિકારીઓને સૂચનો આપ્યા હતાં. કલેક્ટરે સ્ટ્રોંગરૂમ અને પરીક્ષા સ્થળોએ સુરક્ષા વ્યવસ્થાઓ ઊભી કરવા, પરિવહન વ્યવસ્થા ખોરવાય નહીં તેના ભાગરૂપે એસટી વિભાગના તમામ રૂટ કાર્યરત રાખવા, વીજપુરવઠો ન ખોરવાય તેની તકેદારી જાળવવા, જે સેન્ટર પર પરીક્ષાઓ યોજાવાની છે ત્યાં સીસી ટીટી કેમેરા સહિતની તમામ વ્યવસ્થાઓ જાળવવા લગત અધિકારીઓને જણાવ્યું હતું.
જામનગર જિલ્લામાં કુલ ૧૩ સ્થળો પર ૧રપ બ્લોકમાં પરીક્ષા યોજવામાં આવશે. કુલ ર૪૬ર જેટલા વિદ્યાર્થીઓ પરીક્ષા આપશે. પરીક્ષાનો સમય સવારે ૧૦ કલાકથી સાંજે ૪ કલાક સુધીનો રહેશે. જેમાં સવારે ૧૦ વાગ્યાથી ૧ર વાગ્યા સુધી ભૌતિક અને રસાયણ વિજ્ઞાન, બપોરે ૧ થી ર દરમિયાન જીવ વિજ્ઞાન અને ૩ થી ૪ વાગ્યા સુધી ગણિતની પરીક્ષા લેવામાં આવશે. આ બેઠકમાં જિલ્લા વિકાસ અધિકારી વિકલ્પ ભારદ્વાજ, અધિક નિવાસી કલેક્ટર બી.એન. ખેર, નાયબ મ્યુનિસિપલ કમિશનર ડી.એન. ઝાલા, જિલ્લા શિક્ષણ અધિકારી વિપુલ મહેતા, લગત અધિકારીઓ વગેરે હાજર રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
