Author: નોબત સમાચાર
બાલાચડી બીચ પર દરિયા કિનારાની સાફસફાઈઃ વૃક્ષારોપણ
નેશનલ મેરીટાઈમ ડે ની ઉજવણી અંતર્ગત
તારીખ પાંચ એપ્રિલ ૧૯૧૯ ના ભારતીય સ્ટીમર એસ.એસ. લોયલ્ટી મુંબઈથી લંડન જવા રવના થઈ હતી. એ પ્રસંગની યાદમાં ભારત સરકારના મર્કેન્ટાઈલ મરીન વિભાગ દ્વારા દર વર્ષે પાંચ એપ્રિલના નેશનલ મેરીટાઈમ ડે ની ઉજવણી કરવામાં આવે છે, જેમાં વર્ષે 'સમૃદ્ધ સમુદ્ર વિકસિત ભારત'ની થીમ પર આ વિશેષ દિવસની ઉજવણી કરવામાં આવી હતી. જેના અનુસંધાને તા. ૧૬ માર્ચના બાલાચડી બીચ પર દરિયા કિનારાની સાફસફાઈનું આયોજન નેશનલ મેરીટાઈમ ડે સેલિબ્રેશન કમિટી જામનગર દ્વારા કરવામાં આવ્યું હતું, જેમાં દરિયાકિનારા પરથી પ્લાસ્ટિક તેમજ અન્ય કચરો એકત્ર કરી તેનો નિકાલ કરાયો હતો સાથે જ દરિયા કિનારે વૃક્ષારોપણ કરવામાં આવ્યું હતું. આ કાર્યક્રમમાં જામનગરમાં શીપીંગ વ્યવસાય સાથે સંકળાયેલ લોકો, એસ.પી. મરીન એકેડેમી માણાવદરના વિદ્યાર્થીઓ, કસ્તુરબા સ્ત્રી વિકાસ ગૃહની વિદ્યાર્થિનીઓ, હુન્નરશાળા જોડિયાની વિદ્યાર્થિનીઓએ ભાગ લીધો હતો. આ પ્રસંગે જામનગરના ચેરમેન આશીષ વાનખેડે, સર્વેયર ઈનચાર્જ મર્કન્ટાઈલ મરીન ડિપાર્ટમેન્ટ તેમજ કમિટીના સભ્યો બી.કે. સાબુ, કેપ્ટન અનીરૂદ્ધ, કેપ્ટન વિકાસ, નીલેશ દવે, આદમ ભાયા, શ્રીધરભાઈ, સુધીરભાઈ વછરાજાની અને સૈનિક સ્કૂલ બાલાચડીના અધિકારીઓ પણ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
