Author: નોબત સમાચાર
હાઈવે પર પાન-મસાલો ખાવા રોડ ક્રોસ કરતા યુવાનને બાઈકની ટક્કરઃ ફ્રેક્ચર
સેવા કેમ્પમાંથી આવતા દંપતીને માર્ગમાં અકસ્માત નડ્યોઃ
જામનગર તા.૨૦ : જામનગરના સરમત પાટીયા પાસે ગયા ગુરૂવારે રાત્રે પાન, મસાલો ખાવા માટે રોડ ક્રોસ કરતા યુવાનને એક બાઈકે ટક્કર મારી પછાડતા ફ્રેક્ચર સહિતની ઈજા પામેલા આ યુવાનને સારવારમાં ખસેડાયા છે. જ્યારે લાખાબાવળ પાસે ગુરૂવારની રાત્રે એક મોટરે બાઈકને ટક્કર મારતા પતિ, પત્ની અને પુત્ર ઘવાયા છે.
જામનગર-ખંભાળિયા રોડ પર સરમત પાટીયા પાસે સેરેનિટી વીલામાં રહેતા અજય રમેશભાઈ બારૈયા તથા તેમના પત્ની ગઈ તા.૧૩ની રાત્રે સાડા નવેક વાગ્યે સરમત પાટીયા પાસે હતા ત્યારે રોડ ક્રોસ કરી રહેલા અજયભાઈને જીજે-૧૦-ડીએસ ૨૪૮૮ નંબરના બાઈક ચાલકે ઠોકર મારી હતી. સામે આવેલી હોટલે પાન-મસાલો લેવા જતાં અજયભાઈને ફ્રેક્ચર સહિતની ઈજા થઈ છે.
જામનગરના શંકરટેકરી વિસ્તારમાં આવેલા પંચશીલ નગરમાં વસવાટ કરતા સોમાભાઈ ડાયાભાઈ રાઠોડ તથા તેમના પત્ની પ્રજ્ઞાબેન અને પુત્ર વંશ ગઈ તા.૧૪ની રાત્રે દ્વારકા જતા પદયાત્રીઓના સેવા કેમ્પમાં સેવા આપી પરત જતા હતા ત્યારે લાખાબાવળ નજીક એક હોટલ પાસે ટોયોટો કંપનીની મોટરે ટક્કર મારી દીધી હતી. આ અકસ્માતમાં વંશ, પ્રજ્ઞાબેન તથા સોમાભાઈને ઈજા થઈ છે. સિક્કા પોલીસ સ્ટેશનમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
