Author: નોબત સમાચાર
જામનગરના સાત રસ્તા સર્કલ પાસે મોટરમાં આવેલા ચાર શખ્સનો હુમલો
સ્કૂટરચાલકને આંતરી લમધારી નાખ્યોઃ
જામનગર તા. ૨૨: જામનગરના સાત રસ્તા વિસ્તારમાં શનિવારે રાત્રે સ્કૂટરને આંતરી લઈ મોટરમાં આવેલા ચાર શખ્સે એક યુવાનને લમધારી નાખ્યો હતો. ગાળો બોલવાની ના પાડતા ધોકા તથા છરીથી હુમલો કરાયાની પોલીસમાં ફરિયાદ કરાઈ છે.
જામનગરના નાગનાથ નાકા વિસ્તારમાં આવેલા મહેશ્વરીનગરમાં રહેતા ગિરધરભાઈ દેવાભાઈ મકવાણા નામના ૨૩ વર્ષના યુવાન શનિવારે રાત્રે દોઢેક વાગ્યે સાત રસ્તા નજીક આવેલી જાડાની ઓફિસ પાસેથી પોતાના સ્કૂટરમાં ચા પીવા માટે જતા હતા.
ત્યારે અચાનક એક મોટર આગળ આવીને ઊભી રહી ગઈ હતી. તે મોટરમાંથી ઉતરેલા કિશન રબારી, ધમભા જાડેજા, ધનરાજ ગઢવી અને એક અજાણ્યા શખ્સે ગાળો ભાંડવાનું શરૂ કરતા ગિરધરભાઈએ ગાળો બોલવાની ના પાડી હતી. તેથી ઉશ્કેરાયેલા કિશન રબારીએ ધોકાથી હુમલો કરી માર માર્યો હતો. જ્યારે ધનરાજ ગઢવીએ પોતાની પાસે રહેલી છરી બહાર કાઢી તેના વડે હુમલો કર્યો હતો. તે ઉપરાંત ધમભા તથા શખ્સે ઢીકાપાટુથી માર માર્યો હતો. સિટી બી ડિવિઝનમાં તેની ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
