Author: નોબત સમાચાર
જામનગરમાંથી ત્રણ બાઈકની થઈ ઉઠાંતરી
ત્રણેય આસામીએ પોલીસમાં નોંધાવી ફરિયાદઃ
જામનગર તા. ૨૨: જામનગરના ગુલાબનગર રોડ પર એક કોમન પ્લોટમાંથી ગયા ઓગસ્ટ મહિનામાં હીરો મોટરસાયકલ ચોરાઈ ગયાની, ઢીંચડા રીંગ રોડ પરથી ગયા મહિને અન્ય એક બાઈક ચોરાયાની અને શાક માર્કેટ પાસે કોળીવાસમાંથી ગયા જુલાઈ મહિનામાં એક બાઈકની ઉઠાંતરી થયાની પોલીસમાં ફરિયાદ કરવામાં આવી છે.
જામનગર નજીકના હાપા પાસે આવેલી વેલનાથ સોસાયટીમાં રહેતા સાગરભાઇ અનિલભાઈ હિરપરા નામના આસામીએ પોતાનું જીજે-૧૦ડીએફ ૯૮૪ નંબરનું હીરો મોટરસાયકલ ગઈ તા.૭ ઓગસ્ટની રાત્રે રાજપાર્ક સામે પેટ્રોલ પંપ નજીક મૂક્યું હતું. ત્યાંથી બીજા દિવસની સવાર સુધીમાં રૂપિયા ૪૦,૦૦૦ની કિંમતનું આ વાહન કોઈ શખ્સ હંકારી ગયો છે. સીટી બી ડિવિઝન પોલીસ સ્ટેશનમાં સાગરભાઇએ ફરિયાદ નોંધાવી છે.
જામનગરના ઢીચડા રીંગ રોડ પર આવેલી તિરૂપતિ સોસાયટી નજીક સાંઈનાથ સોસાયટીમાં રહેતા રમેશભાઈ ભીખાભાઈ પરમાર નામના આસામીએ પોતાનું જીજે-૧૦-સીએલ ૪૪૩૨ નંબરનું હીરો મોટરસાયકલ ગઈ તા.૨૩ નવેમ્બરની બપોરે ઢીંચડા રીંગ રોડ પર પેટ્રોલ પંપથી થોડે દૂર મૂક્યું હતું. ત્યાંથી ર૪ કલાકમાં તે વાહનની ચોરી થઈ છે.
જામનગરના સુભાષ શાક માર્કેટ પાછળ કોળીવાસમાં રહેતા યોગેશભાઈ વિનોદભાઈ પાટડીયા નામના આસામીએ ગયા જુલાઈ મહિનાની ર૧ તારીખે રાત્રે પોતાના ઘરની બહાર જીજે-૧૦-સીકે ૩૫૫૬ નંબરનું મોટરસાયકલ મૂક્યું હતું. તે પણ ચોરાઈ ગયાની સિટી એ ડિવિઝનમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
