Author: નોબત સમાચાર
જામનગરમાંથી ચાર ચોરાયેલા બાઈકનો ભેદ ખૂલ્યોઃ એકની અટકાયત, સાગરિતની શોધ
રૂ.૧.૪૦ લાખના ચાર બાઈક કબજે કરતી એલસીબીઃ
જામનગર તા. ૨૨: જામનગરના અંધાશ્રમ આવાસ નજીકના ઓવરબ્રિજ પાસેથી ગઈકાલે એલસીબીએ એક શખ્સને પૂર્વ બાતમીના આધારે પકડી પાડ્યો છે. આ શખ્સ પોતાના સાગરિત સાથે મળી બાઈકની ચોરી કરતો હોવાનું ખૂલ્યું છે. તેની પાસેથી ચાર ચોરાઉ બાઈક કબજે કરાયા છે અને તેના સાગરિતની શોધ કરાઈ રહી છે.
જામનગરની સ્થાનિક ગુન્હાશોધક શાખાના સ્ટાફ દ્વારા કરવામાં આવી રહેલા પેટ્રોલિંગમાં દિલીપભાઈ તલાવડીયા, કાસમભાઈ, હિતેન્દ્રસિંહ, ઋષિરાજસિંહને બાતમી મળી હતી કે, અંધાશ્રમ આવાસ પાસે બ્રિજ નજીક ઉભેલા એક શખ્સ પાસે ચોરાઉ મોટરસાયકલ છે.
કાલાવડ નાકા બહાર ખાટકીવાડમાં રહેતા અરબાઝ ફારૂક કટારીયા ઉર્ફે અલબાઝ નામના આ શખ્સની અટકાયત કરી તેની પૂછપરછ કરાતા તેણે પોતાના સાગરિત ગુલાબનગરવાળા અનવર ઈસ્માઈલ સીપાઈ ઉર્ફે અનુ ચકેડી સાથે મળી ચાર મોટરસાયકલની ચોરી કર્યાની કબૂલાત આપી છે. એલસીબીએ રૂ.૧ લાખ ૪૦ હજારની કિંમતના ચાર બાઈક કબજે કરી અરબાઝ કટારીયાની પૂછપરછ આગળ ધપાવી છે અને અનુ ચકેડીના સગડ દબાવાયા છે.
ઉપરોક્ત શખ્સો મોડીરાત્રિના સમયે શહેરમાં રખડી ક્યાંય મોટરસાયકલ પડેલુ જોવા મળે તો તેને ઉઠાવી જઈ બેમાંથી કોઈપણ એક શખ્સના ઘરે રાખી દઈ ત્યારપછી તેની નકલી ચાવી બનાવી અથવા ડાયરેક્ટ કરી નાખી તે વાહન વાપરતા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
