Author: નોબત સમાચાર
હરિયાણાના કેથલમાં કાર નહેરમાં ખાબકીઃ ૭ના મોતથી કરૂણ કલ્પાંત
મેળામાં જતા હતા ને કાળ ભરખી ગયો
ચંદીગઢ તા. ૧રઃ હરિયાણાના કેથલમાં ગમખ્વાર અકસ્માત થયો છે. નહેરમાં કાર ખાબકતાં ૭ લોકોના કમકમાટીભર્યા મોત થયા છે.
હરિયાણાના કેથલમાં એક કાર નહેરમાં ખાબકતાં ૭ લોકોના કમકમાટીભર્યા મોત નિપજ્યા હતાં. કેથલ જિલ્લામાં દશેરાના દિવસે આ ગોઝારો અકસ્માત સર્જાયો હતો. નહેરમાં કાર ખાબકવાને લીધે કારમાં હાજર મહિલાઓ અને બાળકો મૃત્યુ થયા હતાં. સ્થાનિક લોકોને અકસ્માતની જાણ થઈ કે તાત્કાલિક ધોરણે ઘટનાસ્થળે દોડી આવ્યા હતા અને બચાવ કામગીરી શરૂ કરી હતી.
જો કે અત્યાર સુધીમાં કારમાં હાજર તમામ લોકો જીવ ગુમાવી ચૂક્યાના અહેવાલ છે. હાલ પોલીસે આ મામલે વધુ તપાસ હાથ ધરી છે.
ઘટનાસ્થળે હાજર લોકોના જણાવ્યાનુસાર, કાર ચાલકની સ્પીડ વધુ હતી અને જેના લીધે ડ્રાઈવરે કાર પરથી કાબૂ ગુમાવ્યો હતો અને કાર નહેરમાં ખાબકી ગઈ હતી. લોકોએ દોરડા અને અન્ય સાધનો વડે બચાવ કામગીરી શરૂ કરી હતી. જ્યારે કાર નહેરથી બહાર આવી ત્યારે તેમાં સાત લોકો મૃત્યુ થયા હતાં. કારમાં એક જ પરિવારના ૭ લોકો સામેલ હોવાની ચર્ચા છે. મૃતકોમાં અત્યાર સુધી ૩ બાળક, ત્રણ મહિલા અને એક ડ્રાઈવર સામેલ છે.
કેથલના ડીએસપી લલિત કુમારે જણાવ્યું કે પીડિત પરિવારના લોકો મેળામાં જવા નીકળ્યા હતાં, ત્યારે કાર મુંદરી નજીક નહેરમાં ખાબકી ગઈ હતી. મૃતકોની ઓળખ કાજલ, ફીઝા, રિયા, વંદના, પરમજીત, તિજો અને ચમેલી તરીકે થઈ હતી. આ તમામ લોકો ડીંગ ગામના રહેવાસી હોવાની જાણકારી મળી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
