Author: નોબત સમાચાર
કલ્યાણપુર તાલુકાના ધતુરિયા ગામના અત્યંત બિસ્માર માર્ગથી લોકો પરેશાન
ખંભાળિયા તા. ર૧: દેવભૂમિ દ્વારકા જિલ્લાના કલ્યાણપુર તાલુકાના ધતુરિયા ગામે જવા માટેનો રસ્તો ખંભાળિયા-પોરબંદર હાઈવે પરથી જાય છે.
ધતુરિયા ગામ ત્રણ સ્થળે આવેલા છે તેમાં મેઈન રોડથી પ્રથમ ગામ સુધી રસ્તો થોડો ખરાબ છે, જ્યારે તે પછીના બીજા ગામ અને ત્યાંથી ત્રીજા ગામ જવાનો રસ્તો એટલો ખરાબ છે કે ડામર રોડના બદલે કાંકરા-પાણા જ દેખાય છે તથા રસ્તાને બદલે 'ખાડા' જ દેખાય છે.
ડામરનો બનાવેલો આ રસ્તો વર્ષોથી બન્યો જ ના હોય તથા મોટી સંખ્યામાં આ રસ્તા પર વાહનો ચાલતા હોય, સ્થિતિ એવી છે કે રોજ ટુવ્હીલર પર જનાર અહીં એક-બે સ્થળે પડે છે કેમ કે રસ્તા જ નથી 'ખાડા' છે. નવાઈની વાત એ છે કે ઘણાં ટુવ્હીલરમાં પાછળ લેડીઝ કે નાના બાળકો બેઠા હોય તો ખાડામાં અત્યંત ધીમી બાઈક ચલાવા છતાં પણ પાછળ બેસનાર પડી જાય છે. આ રસ્તો આગળ રાજપરા ગામને મળતો હોય ત્યાં સુધી અત્યંત ખરાબ અને ડામરને બદલે ખાડારોડ હોય, રોજ લોકો પરેશાન થાય છે.
આગામી સમયમાં ચોમાસું આવે ત્યારે ખાડમાં પાણી ભરાતા ના દેખાતા મોટા અકસ્માત થાય તેમ હોય, તાકીદે રીપેરીંગ કરીને ભવિષ્યમાં નવા રોડનું આયોજન કરવા માંગ કરાઈ છે. ધતુરિયાના અગ્રણીઓ સરપંચ વિગેરે દ્વારા પણ ઉચ્ચ કક્ષાએ રજૂઆત કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
