Author: નોબત સમાચાર
જામનગરમાં ઓબીસી પ્રમાણપત્ર મેળવવામાં અરજદારોને ભારે મુશ્કેલી
ઉચ્ચકક્ષાએ આવેદનપત્ર પાઠવી રજૂઆતઃ
જામનગર તા. ૩: જામનગરમાં સમાજ કલ્યાણ અધિકારી, જિલ્લા નાયબ નિયમ (વિ.જા.)ની કચેરીમાં સામાજિક અને શૈક્ષણિક રીતે પછાત વર્ગ (ઓબીસી)નું પ્રમાણપત્ર મેળવવામાં અરજદારોને ભારે મુશ્કેલી પડી રહી હોવાની રજૂઆત અખિલ ભારતીય કોળી સમાજના પ્રદેશ મહામંત્રી સુભાષભાઈ ગુજરાતીએ ઉચ્ચકક્ષાએ આવેદનપત્ર પાઠવી રજૂઆત કરી છે.
આ કચેરીના અધિકારી દ્વારા સરકારી પરિપત્રનું ખોટું અર્થઘટન કરી અરજદાર પાસે પૂરતા આધાર-પૂરાવા કાગળો હોવા છતાં યેનકેન પ્રકારે અન્ય કાગળો માંગી હેરાન પરેશાન કરવામાં આવે છે.
ઓબીસી જ્ઞાતિમાં આવતા ઘણા અરજદારો અભણ અને અજ્ઞાન હોય છે કાગળો કાયદેસરના હોવા છતાં જ્ઞાતિ ભેદ રાખે છે અને યેનકેન પ્રકારે ખોટા પુરાવા માંગીને ત્રાસ આપે છે જેથી આ અધિકારી વિરૂદ્ધમાં તાત્કાલીક ધોરણે કાર્યવાહી કરવા અને ઓબીસીના લોકોને તમામ આધાર પુરાવા હોય તો ખોટી રીતે હેરાનગતી કરવાની નહી અને જાતિનું પ્રમાણપત્ર તાત્કાલીક આપવા માંગણી કરવામાં આવી છે. જો આ સમાજ કલ્યાણ અધિકારી ઉપર કોઈ કાર્યવાહી કરવામાં નહિ આવે તો ના છૂટકે આંદોલન કરવાની ચિમકી આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
