જામનગરમાં ગાઢ ધૂમ્મસનું સામ્રાજ્યઃ ૧.૧ ડીગ્રીના ઘટાડા સાથે લઘુતમ તાપમાન ૧૩.પ ડીગ્રી

Author: નોબત સમાચાર

જામનગરમાં ગાઢ ધૂમ્મસનું સામ્રાજ્યઃ ૧.૧ ડીગ્રીના ઘટાડા સાથે લઘુતમ તાપમાન ૧૩.પ ડીગ્રી

વાતાવરણમાં ભેજનું પ્રમાણ ૯૪ ટકા રહેતા

જામનગર તા. ૩: જામનગરના વાતાવરણમાં ભેજનું પ્રમાણ ૧૬ ટકા વધીને ૯૪ ટકાએ પહોંચતા ગાઢ ધૂમ્મસનું સામ્રાજ્ય જોવા મળ્યું હતું. ૧.૧ ડીગ્રીના ઘટાડા સાથે લઘુતમ તાપમાન ૧૩.પ ડીગ્રી નોંધાયું હતું. પવનની ગતિ ઘટતા ઠંડીમાં ઘટાડો થયો છે.

જામનગરમાં આજે સવારે પૂરા થતાં ચોવીસ કલાક દરમિયાન ૧૬ ટકા વધીને વાતાવરણમાં ભેજનું પ્રમાણ ૯૪ ટકા રહ્યું હતું. ભેજના આટલા વધુ પ્રમાણના પગલે નગરમાં આજે સવારે ગાઢ ધૂમ્મસનું સામ્રાજ્ય જોવા મળ્યું હતું. ધોરીમાર્ગો પર ધૂમ્મસ વધુ રહેતા વિઝિબિલિટી ઘણી જ ઘટી જવા પામી હતી. આવી પરિસ્થિતિમાં અકસ્માત ન સર્જાય તે માટે વાહનચાલકોએ તેમના વાહનની ગતિ ધીમી રાખવાની સાથે હેડલાઈટ પણ ચાલુ રાખવાની ફરજ પડી હતી. વહેલી સવારે થયેલી ઝાકળવર્ષાથી વાહનો ભિના થઈ ગયા હતાં.

નગરમાં આજે સવારે પૂરા થતાં ચોવીસ કલાક દરમિયાન ૧.૧ ડીગ્રીના ઘટાડા સાથે લઘુતમ તાપમાન ૧૩.પ ડીગ્રી જ્યારે ૧ ડીગ્રી વધીને મહત્તમ તાપમાન ર૭.પ ડીગ્રી નોંધાયું હતું. પવનની ગતિ ઘટીને પ્રતિકલાકની સરેરાશ પ થી ૧૦ કિ.મી.ની રહેવા પામી હતી. પવનની ગતિમાં થયેલા ઘટાડાના પગલે ઠંડીમાં પણ ઘટાડો થતા જનતાએ રાહત અનુભવી હતી.

જો આપને આ પોસ્ટ ગમી હોય તો શેર કરો...