જામનગરમાં પંચેશ્વર ટાવરથી આણદાબાવા ચકલા સુધીનો માર્ગ આજથી ત્રણ માસ માટે બંધ

Author: નોબત સમાચાર

જામનગરમાં પંચેશ્વર ટાવરથી આણદાબાવા ચકલા સુધીનો માર્ગ આજથી ત્રણ માસ માટે બંધ

ભૂગર્ભ ગટર માટેની પાઈપલાઈન કામગીરી અર્થે

જામનગર તા. ૩: જામનગરમાં ભૂગર્ભ ગટરની પાઇપ લાઈન નાખવાની કામગીરી માટે પંચેશ્વર ટાવરથી આણદાબાવા ચકલા સુધીનો માર્ગ તા.૩ જાન્યુઆરીથી ત્રણ માસ સુધી વાહન વ્યવહાર માટે બંધ રાખવામાં આવનાર છે. આ અંગે નું જાહેરનામુ મ્યુનિ.કમિશનર દ્વારા બહાર પાડવામાં આવ્યું છે.

જામનગર મહાનગપાલિકાના કમિશનર ડી. એને મોદી એ, બી.પી.એમ.સી. એક્ટની જોગવાઈ અન્વયે જામનગર મહાનગર પાલિકાની હદમાં વોર્ડ નં. ૯ના પંચેશ્વર ટાવર થી શ્રી રવરાઈ ડેરી થઈ હી એન્ડ શી પ્લે હાઉસ થઈ આણદાબાવાના ચકલા સુધીના રસ્તામાં ભૂગર્ભ ગટરની મુખ્ય પાઈપ લાઈન નાખવાની કામગીરી અનુસંધાને સલામતીના ભાગરૂપે તેમજ અકસ્માત નિવારવાના હેતુ થી તા.૩-૧-૨૦૨૫ થી તા.૨-૪-૨૦૨૫ એટલે કે ત્રણ માસ સુધી તમામ વાહન વ્યવહાર બંધ રાખવા માટેનું જાહેરનામું બહાર પાડ્યું છે. જેનો અમલ કરવાનો હુકમ ફરમાવ્યો છે. જે કોઈ વ્યહિત આ હુકમનો ભંગ કરશે તેની સામે પી બી.પી.એમ.સી. એકટની કલમ અનુસાર દંડની કાર્યવાહી કરવામાં આવશે.

વોર્ડ નં. ૯, પંચેશ્વર ટાવરથી શ્રી સ્વરાય ડેરી થઈ હી એન્ડ શી પ્લે હાઉસ થઇ આણદાબાવાનો ચકલા સુધીનો રસ્તો બંધ રહેશે. જેની વૈકલ્પિક વ્યવસ્થા માટે વોર્ડ નં. ૦૯ ગોવાળની મસ્જીદના ઢાળિયા થી વણિક સુખડીયા જ્ઞાતિની વાડીની ડાબી તરફના રસ્તા થઈ નંદઘર થઈ આણંદા બાવાના ચકલા તરફનો રસ્તો પરિવહન માટે ખુલ્લો રહેશે તથા લોહાણા મહાજન વાડીની પાછળ આવેલ અજીતનાથ એપાર્ટમેન્ટની સામે વંડાફળી તરફ જતા મેઈન રસ્તો ક્રિષ્ના ફલેક્ષ બેનર થી વિદ્યા વિકાસ સત્સંગ હોલ સુધીનો રસ્તો પરિવહન માટે ખુલ્લો રહેશે.

જો આપને આ પોસ્ટ ગમી હોય તો શેર કરો...