Author: નોબત સમાચાર
વળતર ચૂકવવામાં ઠાગાઠૈયા કરતી વીમા કંપનીએ વ્યાજ સાથે આપવું પડશે વળતર
મોટર સળગી જવાના બનાવમાં ફોરમનો હુકમઃ
જામનગર તા.૩ : મોરબી રોડ પર એક મોટરમાં આગ લાગ્યા પછી મોટર ખાખ થઈ ગઈ હતી. તેનું વળતર ચૂકવવા અંગે વીમા કંપનીએ ઠાગાઠૈગા કરતા ગ્રાહક તકરાર ફોરમમાં ફરિયાદ કરાઈ હતી. ફોરમે ૯ ટકા વ્યાજ સાથે વળતર ચૂકવવા હુકમ કર્યાે છે.
જામનગરના હમીરભાઈ દાનાભાઈ ચાવડા નામના આસામીએ પોતાની મોટર માટે બજાજ આલિયાન્સ જનરલ ઈન્સ્યુરન્સ કંપની પાસેથી પોલિસી મેળવી હતી. તે પછી મોરબી-સામખીયારી રોડ પર તેમની મોટરમાંથી ધૂમાડા નીકળવા માંડ્યા હતા.
તે પછી મોટરમાં રહેલા પરબતભાઈ દાનાભાઈએ બોનેટ ખોલતા આગ ભભૂકી હતી અને તેમાં મોટર ખાખ થઈ ગઈ હતી. પોલીસમાં તેની જાણ કરાયા પછી વીમા કંપની પાસે વળતર માંગવામાં આવતા વીમા કંપનીએ વળતર ચૂકવ્યું ન હતું. તેથી દ્વારકા જિલ્લા ગ્રાહક તકરાર ફોરમમાં ફરિયાદ કરાઈ હતી. તે ફરિયાદ ચાલી જતા ફોરમે રૂ.૫,૨૨,૬૪૭ નવ ટકા વ્યાજ સાથે ચૂકવી આપવા અને ફરિયાદ ખર્ચ, ત્રાસ બદલ રૂ.૧૦ હજાર અલગથી આપવા વીમા કંપનીને હુકમ કર્યાે છે. ફરિયાદી તરફથી વકીલ ભાર્ગવ પી. મહેતા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
