નવજીવન ટ્રસ્ટ દ્વારા નેશનલ ફોટોગ્રાફી ફેસ્ટીવલ એડીશન-૨

Author: નોબત સમાચાર

નવજીવન ટ્રસ્ટ દ્વારા નેશનલ ફોટોગ્રાફી ફેસ્ટીવલ એડીશન-૨

અમદાવાદ તા. ૩: પરિવર્તનશીલ સમયમાં યુવા વર્ગને સાંકળી લેતી કોમ્યુનિકેશનની નવી ચેનલોને પ્રસ્થાપિત કરીને તેનું સંવર્ધન કરવાના ભાગરૂપે નવજીવન ટ્રસ્ટ દ્વારા નેશનલ ફોટોગ્રાફી ફેસ્ટીવલ એડીશન-૨નું આયોજન કરવામાં આવ્યું છે.

એનપીએએફ એડીશન-૨ તારીખ ૨ થી ૫ જાન્યુઆરી ૨૦૨૫ દરમિયાન નવજીવન ટ્રસ્ટમાં યોજાશે.

આ અંગે માહિતી આપતા નવજીવન ટ્રસ્ટના ચેરમેન વિવેક દેસાઈએ જણાવ્યું હતું કે 'નેશનલ ફોટોગ્રાફી ફેસ્ટીવલમાં સામાજિક અને સાંસ્કૃતિક સંદેશામાં ગાઢ અસર ધરાવતા દેશના વિવિધ ભાગોના આર્ટિસ્ટસનું કાર્ય પ્રદર્શિત થશે. એનપીએફમાં ટોક્સ, ફિલ્મ સ્ક્રીનીંગ, પોર્ટફોલિયો રિવ્યૂઝ, પેનલ ડિસ્કશન, વર્કશોપ્સ અને આર્ટિસ્ટસ સાથે વાર્તાલાપ જેવા વિવિધ કાર્યક્રમો યોજાશે.'

વિવેક દેસાઈએ કાર્યક્રમની વધુ વિગતો આપતા જણાવ્યું હતું કે 'એનપીએફ એડીશન-૨' માં દેશના ચુનંદા આર્ટિસ્ટના કુલ આઠ એક્ઝિબિશન છે. વિઝ્યુઅલ આર્ચાઈવ્ઝ ઓફ કુલવંત રોયનું ક્યુરેટીંગ આદિત્ય આર્ય, નિમાઈ ઘોષ-ડાયલોગ વીથ ધ કેમેરાનું ક્યુરેટીંગ ઈના પૂરી દ્વારા કરવામાં આવ્યું છે.

આ ઉપરાંત મુકેશ પારપિયાનીનું ટ્રેજેડી એટ મિડનાઈટ્સ, આશા થડાણીનું બ્રોકન, તરૂણ ભરતિયાનું ઈએમ-એનઓ, સુનિલ આદેશરાનું ધ આણંદ પેટર્ન, યશપાલ રાઠોરનું ટાઈગર-ટાઈગર અને પ્રસેનજીત યાદવના 'શેનઃ ધ લેપર્ડ ઓફ ધ માઉન્ટેન્સ-લિવિંગ ટ્રી બ્રિજીઝ ઈન એ લેન્ડ ઓ. ક્લાઉડ્સ'નો એક્ઝિબિશનમાં સમાવેશ થાય છે.

જો આપને આ પોસ્ટ ગમી હોય તો શેર કરો...