Author: નોબત સમાચાર
આરંભડાના મહિલાએ વ્યાજખોરી અંગે બે મહિલા સહિત પાંચ સામે કરી ફરિયાદ
દાગીના, બોલેરો, સ્કૂટર પડાવી લેવાયાઃ
જામનગર તા.૩ : ઓખામંડળના આરંભડામાં રહેતા એક મહિલાએ પોતાની પાસેથી વ્યાજ અને મુદ્દલ વસૂલ્યા પછી પણ બે મહિલા સહિત ત્રણે ધાકધમકી આપ્યાની પોલીસમાં ફરિયાદ કરી છે. જેમાં તેણીએ સહી કરાવી ચેક લઈ લેવા ઉપરાંત સ્કૂટર, બોલેરો અને ૧૫ તોલા દાગીના પડાવી લેવાયાનું પણ જણાવ્યું છે.
દ્વારકા જિલ્લાના મીઠાપુર નજીકના આરંભડા ગામમાં રહેતા આરતીબેન વેરશીભા માણેક નામના મહિલાએ એકાદ વર્ષ પહેલાં નીમુબેન જોધાભા માણેક પાસેથી રૂ.દોઢ લાખ વ્યાજે મેળવ્યા હતા.
તે રકમ વ્યાજ સાથે ભરપાઈ કરી દીધી હોવા છતાં નીમુબેન અવારનવાર ઉઘરાણી કરી પજવતા હતા. તે પછી આ મહિલાએ ધમકી આપી બળજબરીથી ચેક લખાવી લઈ આરતીબેનનો બોલેરો લઈ લીધો હતો. જ્યારે યોગીતાબેન વીનીતગીરી ગોસાઈએ રૂ.ર લાખ ૪૦ હજાર ઉછીના આપી તેની સામે સિક્યુરિટીમાં સ્કૂટર લીધુ હતું. તેને પણ મુદ્દલ કરતા વધુ રકમ ચૂકવાઈ ગઈ હોવા છતાં યોગીતાબેને ૧૫ તોલા સોનાના દાગીના પડાવી લઈ આરતીબેન તથા તેમના પતિને ઘરમાંથી બહાર કાઢ્યા હતા અને શબ્બીર ગફારે તેમના મકાનને તાળુ મારી દીધુ હતું.
તે ઉપરાંત યોગીતાબેને બળજબરીથી હમુસરના કરશનભા મૂળુભા હાથલ, હીતેશ ખાચર પાસેથી ઉંચા વ્યાજે પૈસા લેવડાવી દઈ તેનું વ્યાજ વસુલ્યું હતું અને નીમુબેન તથા યોગીતાબેન મકાનનો દસ્તાવેજ કરીઆપવા ધાક ધમકી આપી ગાળો ભાંડા હતા. પોલીસે બે મહિલા સહિત પાંચેય સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
